ਉਘੜਦੇ ਪਰਮਾਪ ਸਿਧਾਂਤ (emergent norms theory) ਸਰੋਤ : ਸਮਾਜ-ਵਿਗਿਆਨ ਦਾ ਵਿਸ਼ਾ-ਕੋਸ਼

ਉਘੜਦੇ ਪਰਮਾਪ ਸਿਧਾਂਤ ( emergent norms theory ) : ਸਮੂਹਿਕ ਵਤੀਰੇ ਨੂੰ ਬਿਆਨਣ ਲਈ ਵਰਤਿਆ ਗਿਆ ਸੰਕਲਪ , ਜੋ ਇਹ ਵੇਖਣ ਦਾ ਯਤਨ ਕਰਦਾ ਹੈ , ਕਿ ਜਦੋਂ ਕਈ ਅਜਨਬੀ ਇੱਕਠੇ ਹੋ ਜਾਂਦੇ ਹਨ , ਤਾਂ ਵਤੀਰੇ ਵਿੱਚ ਕਿਹੜੇ ਪਰਮਾਪ ਉਭਰਦੇ ਹਨ । ਟਰਨਰ ( Turner ) ਅਤੇ ਕਿਲਿਅਨ ( Killian ) ਦਲੀਲ ਦਿੰਦੇ ਹਨ ਕਿ ਪਿੱਛੋਂ ਉਭਰਨ ਵਾਲੇ ਪਰਮਾਪ ਪਹਿਲਾਂ ਮੌਜੂਦ ਨਹੀਂ ਹੁੰਦੇ । ਪਰਮਾਪ ਅੰਤਰਕਾਰਜ ਦੇ ਫਲਸਰੂਪ ਪੈਦਾ ਹੁੰਦੇ ਹਨ , ਅਤੇ ਇਸ ਦੌਰਾਨ ਲੋਕ ਇੱਕ ਦੂਜੇ ਵੱਲ ਵੇਖਦੇ ਹਨ ਕਿ ਕੀ ਹੋਣਾ ਚਾਹੀਦਾ ਹੈ । ਪਹਿਲੀਆਂ ਸਥਿਤੀਆਂ ਵਿੱਚੋਂ ਪ੍ਰਾਪਤ ਤਜਰਬੇ ਹਮੇਸ਼ਾ ਕੰਮ ਨਹੀਂ ਆਉਂਦੇ । ਕਿਉਂਕਿ ਲੋਕ ਅਸਥਿਰਤਾ ਦੀ ਸਥਿਤੀ ਵਿੱਚ ਨਹੀਂ ਰਹਿਣਾ ਚਾਹੁੰਦੇ , ਇਸ ਲਈ ਜੋ ਗੱਲ ਪਹਿਲਾਂ ਉਭਰ ਆਵੇ , ਲੋਕ ਉਸ ਨੂੰ ਮੰਨ ਲੈਂਦੇ ਹਨ । ਪਰ ਅਜਿਹਾ ਹਮੇਸ਼ਾ ਨਹੀਂ ਹੁੰਦਾ , ਅਤੇ ਵੱਖ-ਵੱਖ ਲੋਕ ਵੱਖ-ਵੱਖ ਤਰੀਕੇ ਨਾਲ ਵਿਹਾਰ ਕਰ ਸਕਦੇ ਹਨ , ਜਿਵੇਂ ਹਿੰਸਾ ਦੀ ਹਾਲਤ ਵਿੱਚ ਕੁਝ ਲੜਨ ਲੱਗ ਪੈਣਗੇ , ਅਤੇ ਕੁਝ ਘੱਟ ਹਿੰਸਕ ਹੋਣਗੇ , ਜਦਕਿ ਕੁਝ ਹੋਰ ਪਾਸੇ ਖਲੋਅ ਕੇ ਤਮਾਸ਼ਾ ਵੇਖਣਗੇ ।


ਲੇਖਕ : ਪਰਕਾਸ਼ ਸਿੰਘ ਜੰਮੂ,
ਸਰੋਤ : ਸਮਾਜ-ਵਿਗਿਆਨ ਦਾ ਵਿਸ਼ਾ-ਕੋਸ਼, ਹੁਣ ਤੱਕ ਵੇਖਿਆ ਗਿਆ : 626, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2014-01-22, ਹਵਾਲੇ/ਟਿੱਪਣੀਆਂ: no

ਵਿਚਾਰ / ਸੁਝਾਅ



Please Login First


    © 2017 ਪੰਜਾਬੀ ਯੂਨੀਵਰਸਿਟੀ,ਪਟਿਆਲਾ.