ਲਾਗ–ਇਨ/ਨਵਾਂ ਖਾਤਾ |
+
-
 
ਉਦਾਰਵਾਦ (liberalism)

ਉਦਾਰਵਾਦ (liberalism): ਸਮਾਜਿਕ ਰਚਨਾ ਵਿੱਚ ਤਬਦੀਲੀ ਲਿਆਂਦੇ ਬਿਨਾ ਲੋਕ ਭਲਾਈ ਦੇ ਕੰਮਾਂ ਦਾ ਵੱਧ ਤੋਂ ਵੱਧ ਲੋਕਾਂ ਨੂੰ ਲਾਭ ਪਹੁੰਚਾਉਣਾ, ਰਵਾਇਤੀ ਪੱਖਪਾਤ ਤੋਂ ਮੁਕਤ ਵਿਸ਼ਾਲ ਅਸੂਲ ਅਤੇ ਸਿਧਾਂਤ; ਆਰਥਿਕ, ਰਾਜਨੀਤਿਕ ਅਤੇ ਸਮਾਜਿਕ ਨੀਤੀਆਂ ਬਣਾਉਣ ਵਿੱਚ ਪੱਖਪਾਤਰਹਿਤ ਬੌਧਿਕ ਸਹਿਣਸ਼ੀਲਤਾ ਦੀ ਸੋਚਵਿਧੀ, ਕਿਸੇ ਵੀ ਮਨੁੱਖਤਾਵਾਦੀ, ਮਨੁੱਖੀ, ਲੋਕਤੰਤਰੀ ਜਾਂ ਸਮਾਜਵਾਦੀ ਸੋਚ ਨੂੰ ਲੋਕਪ੍ਰਿਅ ਬਣਾਉਣ ਲਈ ਸਤਿਕਾਰਤ ਸ਼ਬਦ, ਵਪਾਰੀ ਸੰਘ, ਖਪਤਕਾਰੀ ਸਹਿਕਾਰੀ ਸਭਾਵਾਂ, ਕਮਿਊਨਿਜ਼ਮ ਰਿਪਬਲਿਕਵਾਦ, ਅਤੇ ਕਈ ਹੋਰ ਸਿਧਾਂਤਾਂ ਨੂੰ ਇਸ ਵਿੱਚ ਸ਼ਾਮਲ ਕਰ ਲਿਆ ਜਾਂਦਾ ਹੈ। ਕਿਸੇ ਖ਼ਾਸ ਦੇਸ ਵਿੱਚ ਕਿਸੇ ਖ਼ਾਸ ਸਮੇਂ ਕੱਟੜਤਾਵਾਦੀ ਬੌਧਿਕ ਉਦਾਰਵਾਦੀਆਂ ਦੀ ਸੋਚ। ਸੰਭਾਲਵਾਦੀਆਂ, ਪਿਛਾਹ ਖਿੱਚੂ ਅਤੇ ਅਗਾਹਵਧੂ ਸਿਧਾਂਤਾ ਦੇ ਬਦਲ ਦੇ ਤੌਰ ਉੱਤੇ ਪੇਸ਼ ਕੀਤੇ ਗਏ ਸਿਧਾਂਤ ਅਤੇ ਅਸੂਲ। ਇੱਕ ਪਰਿਵਰਤਨਸ਼ੀਲ ਅਤੇ ਬੁਖਲਾਹਟ ਭਰੀ ਦੁਨੀਆ ਵਿੱਚ ਸਦਾਚਾਰਕ ਅਤੇ ਨੈਤਿਕ ਨਿਰਧਾਰਨ ਦੇ ਸਾਧਨ ਵਜੋਂ ਮਨੁੱਖਤਾਵਾਦੀ ਬੁਧੀਮਾਨਾ ਦੇ ਮਨਾਂ ਵਿੱਚ ਪੈਦਾ ਹੋਈ ਸੋਚ।

ਲੇਖਕ : ਪਰਕਾਸ਼ ਸਿੰਘ ਜੰਮੂ,     ਸਰੋਤ : ਸਮਾਜ-ਵਿਗਿਆਨ ਦਾ ਵਿਸ਼ਾ-ਕੋਸ਼,     ਹੁਣ ਤੱਕ ਵੇਖਿਆ ਗਿਆ : 487,     ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 1/22/2014 12:00:00 AM
ਹਵਾਲੇ/ਟਿੱਪਣੀਆਂ: noreference

ਵਿਚਾਰ / ਸੁਝਾਅ