ਏ. ਪੀ. ਜੀ. ਅਬਦੁਲ ਕਲਾਮ ਸਰੋਤ : ਰਾਜਨੀਤੀ ਵਿਗਿਆਨ, ਵਿਸ਼ਾਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

A.P.J. Abdul Kalam . ਪੀ . ਜੀ . ਅਬਦੁਲ ਕਲਾਮ : ਏ ਪੀ ਜੀ ਅਬਦੁਲ ਕਮਲਾ ਦਾ ਜਨਮ 15 ਅਕਤੂਬਰ , 1931 ਨੂੰ ਹੋਇਆ । ਪ੍ਰਸਿੱਧ ਵਿਗਿਆਨੀ ਅਤੇ ਇੰਜੀਨੀਅਰ ਅਬਦੁਲ ਕਲਾਮ 2002 ਤੋਂ 2007 ਤਕ ਭਾਰਤ ਦੇ 11ਵੀਂ ਰਾਸ਼ਟਰਪਤੀ ਰਹੇ । ਆਪ ਕਲਪਨਾਸ਼ੀਲ ਵਿਅਕਤੀ ਹਨ , ਜੋ ਸਦਾ ਹੀ ਦੇਸ਼ ਦੇ ਵਿਕਾਸ ਸਬੰਧੀ ਸੋਚਦੇ ਰਹਿੰਦੇ ਹਨ । ਉਨ੍ਹਾਂ ਦਾ ਪੱਕਾ ਵਿਸ਼ਵਾਸ ਹੈ ਕਿ ਭਾਰਤ ਨੂੰ ਅੰਤਰ-ਰਾਸ਼ਟਰੀ ਸਬੰਧਾਂ ਵਿਚ ਜ਼ੋਰਦਾਰ ਭੂਮਿਕਾ ਨਿਭਾਉਂਣੀ ਚਾਹੀਦੀ ਹੈ । ਆਪ ਨੂੰ ਅਕਸਰ ਭਾਰਤ ਦਾ ਮਿਜ਼ਾਈਲ ਵਿਅਕਤੀ ਕਿਹਾ ਜਾਂਦਾ ਹੈ । ਉਨ੍ਹਾਂ ਦੇ ਰਾਸ਼ਟਰਪਤੀ ਕਾਲ ਦੇ ਦੌਰਾਨ ਲੋਕ ਉਨ੍ਹਾਂ ਦਾ ਬਹੁਤ ਸਤਿਕਾਰ ਕਰਦੇ ਸਨ ਅਤੇ ਉਨ੍ਹਾਂ ਨੂੰ ਬਹੁਤ ਜ਼ਿਆਦਾ ਚਾਹੁੰਦੇ ਸਨ ।

          ਆਪ ਦਾ ਜਨਮ ਦੱਖਣੀ ਭਾਰਤੀ ਰਾਜ ਤਾਮਿਲਨਾਡੂ ਵਿਚ ਹੋਇਆ ਸੀ ਅਤੇ ਆਪ ਨੇ ਵਿਸ਼ਵ ਭਰ ਦੀਆਂ ਲਗਭਗ 30 ਯੂਨੀਵਰਸਿਟੀਆਂ ਤੋਂ ਆਨਰੇਰੀ ਡਾਕਟ੍ਰੇਟ ਦੀਆਂ ਡਿਗਰੀਆਂ ਪ੍ਰਾਪਤ ਕੀਤੀਆਂ । 1981 ਵਿਚ ਭਾਰਤ ਸਰਕਾਰ ਨੇ ਉਨ੍ਹਾਂ ਨੂੰ ਪਦਮ ਭੂਸ਼ਣ ਨਾਲ ਅਤੇ 1990 ਵਿਚ ਪਦਮ ਵਿਭੂਸ਼ਣ ਤੇ 1997 ਵਿਚ ਭਾਰਤ ਦੇ ਸਭ ਤੋਂ ਵੱਡੇ ਸਨਮਾਨ ਭਾਰਤ ਰਤਨ ਨਾਲ ਨਿਵਾਜ਼ਿਆ ।

          ਆਪ ਪਹਿਲੇ ਵਿਗਿਆਨੀ ਅਤੇ ਕੰਵਾਰੇ ਵਿਅਕਤੀ ਸਨ ਜਿਨ੍ਹਾਂ ਨੇ ਰਾਸ਼ਟਰਪਤੀ ਭਵਨ ਦੀ ਸੀਟ ਸੰਭਾਲੀ । ਮਹੱਤਵਪੂਰਣ ਵਿਸ਼ਿਆਂ ਤੇ ਉਨ੍ਹਾਂ ਦੇ ਵਿਚਾਰ ‘ ਇੰਡੀਅ ਮਦਰ ’ ਪੁਸਤਕ ਵਿਚ ਉਲੀਕੇ ਗਏ ਹਨ । ਇਸ ਵਿਚ ਉਨ੍ਹਾਂ ਕ੍ਰਿਆ ਯੋਜਨਾਵਾਂ ਤੇ ਚਾਨਣਾ ਪਾਇਆ ਗਿਆ ਹੈ । ਜਿਸ ਨਾਲ ਦੇਸ਼ ਦੇ 2020 ਤਕ ਵਿਗਿਆਨ ਦੀ ਉਚੱਤਮ ਸ਼ਕਤੀ ਵਜੋਂ ਵਿਕਾਸ ਕਰਨ ਵਿਚ ਸਹਾਇਤਾ ਮਿਲੇਗੀ ।

          ਡਾ. ਏ ਪੀ. ਜੀ ਅਬਦੁਲ ਕਲਾਮ ਭਾਰਤ ਦੇ ਨਿਊਕਲੀ ਹਥਿਆਰ ਪ੍ਰੋਗਰਾਮ ਸਬੰਧੀ ਆਪਣੇ ਕੰਮ ਨੂੰ ਭਾਰਤ ਨੂੰ ਭਵਿੱਖ ਦੀ ਉਚੱਤਮ ਸ਼ਕਤੀ ਬਣਾਉਣ ਦਾ ਮਾਰਗ ਸਮਝਦਾ ਹੈ । ਡਾ. ਏ. ਪੀ. ਜੀ. ਅਬਦੁਲ ਕਲਾਮ ਨੇ ਆਪਣੇ ਰਾਸ਼ਟਰਪਤੀ ਕਾਰਜਕਾਲ ਦੇ ਦੌਰਾਨ ਭਾਰਤ ਦੇ ਵਿਗਿਆਨ ਅਤੇ ਟੈਕਨਾਲੋਜੀ ਦੇ ਖੇਤਰਾਂ ਵਿਚ ਕਾਫ਼ੀ ਦਿਲਚਸਪੀ ਲਈ । ਉਨ੍ਹਾਂ ਨੇ ਬਾਇਓ-ਇੰਪਲਾਟਾਂ ਦੀ ਸਥਾਪਨਾ ਲਈ ਇਕ ਪ੍ਰਾਜੈਕਟ ਯੋਜਨਾ ਵੀ ਤਿਆਰ ਕੀਤੀ । ਉਨ੍ਹਾਂ ਨੇ ਭਾਰਤ ਵਿਚ ਸੂਚਨਾ ਟੈਕਨਾਲੋਜੀ ਦੇ ਖੇਤਰ ਤੋਂ ਅਧਿਕ ਲਾਭ ਪ੍ਰਾਪਤ ਕਰਨ ਲਈ ਸਾਫ਼ਟਵੇਅਰ ਦੇ ਖੁਲ੍ਹੇ ਸਾਧਨ ਦੀ ਜ਼ਰਬਦਸਤ ਹਮਾਇਤ ਕੀਤੀ ।


ਲੇਖਕ : ਡਾ. ਡੀ. ਆਰ ਸਚਦੇਵਾ,
ਸਰੋਤ : ਰਾਜਨੀਤੀ ਵਿਗਿਆਨ, ਵਿਸ਼ਾਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।, ਹੁਣ ਤੱਕ ਵੇਖਿਆ ਗਿਆ : 8324, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2015-03-05, ਹਵਾਲੇ/ਟਿੱਪਣੀਆਂ: no

ਵਿਚਾਰ / ਸੁਝਾਅ



Please Login First


    © 2017 ਪੰਜਾਬੀ ਯੂਨੀਵਰਸਿਟੀ,ਪਟਿਆਲਾ.