Vacant_ਖ਼ਾਲੀ: ਮਹਾਂਬੀਰ ਪ੍ਰਸਾਦ ਬਨਾਮ ਕੇਵਲ ਕ੍ਰਿਸ਼ਨ (ਏ ਆਈ ਆਰ 1953 ਇਲਾ. 441) ਵਿਚ ਖ਼ਾਲੀ ਸ਼ਬਦ ਦਾ ਅਰਥ ਕਢਦਿਆਂ ਕਿਹਾ ਗਿਆ ਹੈ ਕਿ ਮਾਲਕ ਮਕਾਨ ਅਤੇ ਕਿਰਾਏਦਾਰ ਦੇ ਸਬੰਧਾਂ ਦੇ ਪ੍ਰਸੰਗ ਵਿਚ ‘ਖ਼ਾਲੀ’ ਜਾਂ ਖ਼ਾਲੀ ਕਰਨ ਦਾ ਮਤਲਬ  ਉਸ ਥਾਂ ਰਹਿਣ ਦਾ ਇਰਾਦਾ ਤਿਆਗ ਕੇ ਉਥੋਂ ਚਲੇ ਜਾਣਾ ਹੈ।

ਖਾਲੀ (ਗੁ.। ਫ਼ਾਰਸੀ ਖ਼ਾਲੀ) ਸੱਖਣੇ। ਯਥਾ-‘ਖਾਲੀ ਚਲੇ ਧਣੀ ਸਿਉ ਟਿਬੇ ਜਿਉ ਮੀਹਾਹੁ’।

ਖ਼ਾਲੀ. ਅ਼ ਵਿ—ਛੂਛਾ। ੨ ਥੋਥਾ । ੩ ਬਿਨਾ ਪ੍ਰਾਪਤੀ. “ਖਾਲੀ ਚਲੇ ਧਣੀ ਸਿਉ.” (ਸ. ਫਰੀਦ) ੪ ਛੋਟਾ ਖਾਲ, ਜੋ ਪਾਣੀ ਦੇ ਵਹਿਣ ਲਈ ਹੋਵੇ। ੫ ਸੰਗੀਤ ਅਨੁਸਾਰ ਤਾਲ ਦੀ ਉਹ ਮਾਤ੍ਰਾ, ਜਿਸ ਤੇ ਜਰਬ (ਆਘਾਤ) ਨਾ ਆਵੇ.

ਖ਼ਾਲੀ [ਵਿਸ਼ੇ] ਜਿਸ ਵਿੱਚ ਕੋਈ ਚੀਜ਼ ਨਾ ਹੋਵੇ, ਸੱਖਣਾ , ਸੁੰਞਾ, ਪੋਲਾ , ਖੋਖਲਾ; ਬੇਅਬਾਦ, ਗ਼ੈਰ-ਅਬਾਦ, ਸੁੰਨਾ; ਨਕਾਰਾ , ਬੇਕਾਰ, ਵਿਹਲਾ; ਨਿਹਫਲ਼, ਬਿਨਾਂ ਅਸਰ