ਅਰਥੀ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਅਰਥੀ (ਨਾਂ,ਇ) ਮਿਰਤਕ ਦੇਹ ਨੂੰ ਲਿਟਾ ਕੇ ਸ਼ਮਸ਼ਾਨ ਤੱਕ ਲੈ ਕੇ ਜਾਣ ਲਈ ਬਣਾਈ ਲੱਕੜ ਦੀ ਸੀੜ੍ਹੀ; ਘਰ ਤੋਂ ਮੜ੍ਹੀਆਂ ਤੱਕ ਲਿਜਾਈ ਜਾ ਰਹੀ ਮਿਰਤਕ ਦੇਹ

ਅਰਥੀ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਅਰਥੀ [ਨਾਂਇ] ਲਕੜੀ/ਲੋਹੇ ਦਾ ਢਾਂਚਾ ਜਿਸ ਉਪਰ ਮੁਰਦੇ ਨੂੰ ਸ਼ਮਸ਼ਾਨਘਾਟ ਲਿਜਾਇਆ ਜਾਂਦਾ ਹੈ

ਅਰਥੀ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਅਰਥੀ. ਸੰ. ਸ਼ਵਰਥ. ਸੰਗ੍ਯਾ—ਮੁਰਦਾ ਲੈ ਜਾਣ ਵਾਲੀ ਸੀੜ੍ਹੀ. ਤਖਤਾ. ਬਿਬਾਨ (ਵਿਮਾਨ) ੨ ਸੰ. अर्थिन्—ਅਥ੗੢. ਵਿ—ਇੱਛਾ ਰੱਖਣ ਵਾਲਾ. ਗ਼ਰ੒੢. “ਜਬ ਇਹੁ ਧਾਵੈ ਮਾਇਆ ਅਰਥੀ.” (ਗਉ ਅ: ਮ: ੫)

ਅਰਥੀ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਅਰਥੀ (ਗੁ.। ਸੰਸਕ੍ਰਿਤ। ਅਰਥਿਨ) ਸ੍ਵਾਰਥੀ, ਮਤਲਬੀ, ਲੋੜਵੰਦ। ਯਥਾ-‘ਜਬ ਇਹੁ ਧਾਵੈ ਮਾਇਆ ਅਰਥੀ’, ਜਦ ਇਹ ਦੌੜਦਾ ਹੈ ਮਾਇਆਦਾ ਲੋੜਵੰਦ ਹੋ ਕੇ।

ਅਰਥੀ ਸਰੋਤ : ਪੰਜਾਬੀ ਕੋਸ਼ ਜਿਲਦ ਪਹਿਲੀ (ੳ ਤੋਂ ਕ)

ਅਰਥੀ, ਇਸਤਰੀ ਲਿੰਗ : ੧. ਪੌੜੀ ਦੇ ਅਕਾਰ ਦਾ ਢਾਂਚਾ ਜਿਸ ਉਪਰ ਮੁਰਦੇ ਨੂੰ ਪਾ ਕੇ ਸਿਵਿਆਂ ਵਿਚ ਲੈ ਜਾਇਆ ਜਾਂਦਾ ਹੈ, ਸੀੜ੍ਹੀ, ਬੱਲੀ, ਫੱਟਾ; ਵਿਸ਼ੇਸ਼ਣ : ੨. ਮਜਲ, ਜਨਾਜ਼ਾ (ਮੁਸਲਮਾਨੀ); ੩. ਪੁਲਿੰਗ / ਸੰਸਕ੍ਰਿਤ : ਗੌਂ ਵਾਲਾ, ਜਾਚਕ, ਮੰਗਤਾ, ਸਵਾਲੀ, (ਲਾਗੂ ਕਿਰਿਆ : ਕੱਢਣਾ, ਨਿਕਲਣਾ)