ਅੰਗਦ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਅੰਗਦ (ਨਾਂ,ਪੁ) ਰੱਖਿਆ ਵਜੋਂ ਡੌਲੇ ਤੇ ਬੰਨ੍ਹਿਆ ਜਾਣ ਵਾਲਾ ਤਵੀਤ

ਅੰਗਦ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਅੰਗਦ. ਸੰ. अङ्गद्. ਸੰਗ੍ਯਾ—ਅੰਗ ਨੂੰ ਸ਼ੋਭਾ ਦੇਣ ਵਾਲਾ ਭੂ੄ਣ. ਭੁਜਬੰਦ. ਬਾਜ਼ੂਬੰਦ. ਕੇਯੂਰ। ੨ ਬਾਲਿ ਦਾ ਪੁਤ੍ਰ, ਸੁਗ੍ਰੀਵ ਦਾ ਭਤੀਜਾ , ਜੋ ਤਾਰਾ ਦੇ ਉਦਰ ਤੋਂ ਪੈਦਾ ਹੋਇਆ. ਇਹ ਰਾਮ ਚੰਦ੍ਰ ਜੀ ਦਾ ਦੂਤ ਬਣਕੇ ਰਾਵਣ ਦੀ ਸਭਾ ਵਿੱਚ ਗਿਆ ਸੀ. “ਇਤ ਕਪਿਪਤਿ ਅਰ ਰਾਮ, ਦੂਤ ਅੰਗਦਹਿਂ ਪਠਾਯੋ.” (ਰਾਮਾਵ) ੩ ਲਛਮਨ (ਲ੖ਮਣ) ਦਾ ਇੱਕ ਪੁਤ੍ਰ, ਜਿਸ ਨੇ ਆਪਣੇ ਨਾਉਂ ਪੁਰ ਆਂਗਦੀ ਨਗਰੀ ਵਸਾਈ। ੪ ਦੇਖੋ, ਅੰਗਦ ਸਤਿਗੁਰੂ.

ਅੰਗਦ ਸਰੋਤ : ਪੰਜਾਬੀ ਵਿਸ਼ਵ ਕੋਸ਼–ਜਿਲਦ ਪਹਿਲੀ, ਭਾਸ਼ਾ ਵਿਭਾਗ ਪੰਜਾਬ

ਅੰਗਦ : ਇਹ ਕਿਸ਼ਕਿੰਧਾ ਦੇ ਬਾਨਰ ਰਾਜੇ ਬਾਲੀ ਅਤੇ ਰਾਣੀ ਤਾਰਾ ਦਾ ਪੁੱਤਰ ਸੀ। ਰਾਮਾਇਣ ਅਨੁਸਾਰ ਇਹ ਬਾਨਰ ਸੀ ਅਤੇ ਸ਼੍ਰੀ ਰਾਮ ਚੰਦਰ ਨਾਲ ਮਿਲ ਕੇ ਰਾਵਣ ਦੇ ਵਿਰੁੱਧ ਲੜਿਆ ਸੀ। ਇਸ ਨੇ ਰਾਵਣ ਦੀ ਸਭ ਵਿਚ ਪੈਰ ਜਮਾ ਕੇ ਵੰਗਾਰਿਆ ਸੀ ਕਿ ਜੇ ਰਾਵਣ ਦਾ ਕੋਈ ਜੋਧਾ ਇਸ ਦਾ ਪੈਰ ਹਟਾ ਦੇਵੇ ਤਾਂ ਇਹ ਹਾਰ ਮੰਨ ਜਾਵੇਗਾ। ਬਹੁਤ ਜਤਨ ਕਰਨ ਤੇ ਵੀ ਰਾਵਣ ਦੇ ਸੂਰਮੇ ਇਸ ਦੇ ਪੈਰ ਨੂੰ ਨਾ ਹਟਾ ਸਕੇ।

ਅੰਗਦ ਸਰੋਤ : ਪੰਜਾਬ ਕੋਸ਼–ਜਿਲਦ ਪਹਿਲੀ, ਭਾਸ਼ਾ ਵਿਭਾਗ ਪੰਜਾਬ

ਅੰਗਦ  : ਇਹ ਬਾਲੀ ਦਾ ਪੁੱਤਰ ਅਤੇ ਸੁਗ੍ਰੀਵ ਦਾ ਭਤੀਜਾ ਸੀ ਜਿਸ ਦਾ ਜਨਮ ਤਾਰਾ ਦੀ ਕੁੱਖੋਂ ਹੋਇਆ। ਬਾਲੀ ਦੇ ਸ੍ਰੀ ਰਾਮ ਵੱਲੋਂ ਕੀਤੇ ਬੱਧ ਉਪਰੰਤ ਸੁਗ੍ਰੀਵ ਨੂੰ ਰਾਜ ਗੱਦੀ ਤੇ ਬਿਠਾਇਆ ਗਿਆ ਅਤੇ ਅੰਗਦ ਯੁਵਰਾਜ ਬਣਿਆ। ਇਹ ਰਾਮ ਚੰਦਰ ਜੀ ਦਾ ਦੂਤ ਬਣ ਕੇ ਲੰਕਾ ਵਿਖੇ ਰਾਵਣ ਦੀ ਸਭਾ ਵਿਚ ਗਿਆ ਸੀ। ਸੁਗ੍ਰੀਵ ਦੀ ਸੈਨਾ ਨਾਲ ਲੰਕਾ ਵਿਚ ਹੋਏ ਯੁੱਧ ਵਿਚ ਇਹ ਬਹੁਤ ਬਹਾਦਰੀ ਨਾਲ ਲੜਿਆ ਸੀ। ਇਕ ਦਿਨ ਇਸ ਯੁੱਧ ਦੌਰਾਨ ਹੀ ਅੰਗਦ ਨੇ ਇੰਦਰਜੀਤ ਨੂੰ ਹਰਾਇਆ।

ਅੰਗਦ ਸਰੋਤ : ਪੰਜਾਬੀ ਕੋਸ਼ ਜਿਲਦ ਪਹਿਲੀ (ੳ ਤੋਂ ਕ)

ਅੰਗਦ, ਹਿੰਦੀ / ਅੰਗਰੇਜ਼ੀ / ਪੁਲਿੰਗ : ੧. ਅੰਗ ਦੀ ਰੱਖਿਆ ਕਰਨ ਵਾਲਾ, ਅੰਗ ਨੂੰ ਸ਼ੋਭਾ ਦੇਣ ਵਾਲਾ; ੨. ਰੱਖਿਆ ਲਈ ਡੌਲੇ ਤੇ ਬੰਨ੍ਹਿਆ ਹੋਇਆ ਤਵੀਤ, ਨੰਤ; ੩. ਸਿੱਖ ਪੰਥ ਦੇ ਦੂਜੇ ਗੁਰੂ