ਕੋਟੀ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਕੋਟੀ [ਨਾਂਇ] ਪੂਰੀਆਂ ਵਾਹਵਾਂ ਵਾਲ਼ਾ ਊਨੀ ਵਸਤਰ; ਸ਼੍ਰੇਣੀ , ਪ੍ਰਕਾਰ, ਕੈਟਾਗਰੀ

ਕੋਟੀ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਕੋਟੀ. ਕਮਾਣ ਦਾ ਗੋਸ਼ਾ. ਦੇਖੋ, ਕੋਟਿ ੩. “ਗਹਿ ਕੋਟੀ ਦਏ ਚਲਾਇਕੈ। ਰਣ ਕਾਲੀ ਗੁੱਸਾ ਖਾਇਕੈ.” (ਚੰਡੀ ੩) ਕਮਾਣ ਦੇ ਗੋਸ਼ੇ ਨਾਲ ਫੜਕੇ ਰਾਖਸ ਚਲਾ ਦਿੱਤੇ। ੨ ਦੇਖੋ, ਕੋਟਿ ੨.

ਕੋਟੀ ਸਰੋਤ : ਪੰਜਾਬ ਕੋਸ਼–ਜਿਲਦ ਪਹਿਲੀ, ਭਾਸ਼ਾ ਵਿਭਾਗ ਪੰਜਾਬ

ਕੋਟੀ : ਸ਼ਿਮਲਾ ਦੇ ਨੇੜੇ ਪੈਂਦੀ ਇਹ ਇੱਕ ਛੋਟੀ ਜਿਹੀ ਦੇਸੀ ਰਿਆਸਤ ਸੀ ਜਿਸ ਦਾ ਰਕਬਾ ਲਗਭਗ 125 ਕਿ. ਮੀ. ਸੀ। ਇਥੋਂ ਦਾ ਰਾਜਾ, ਰਾਣਾ ਰਘਬੀਰ ਚੰਦ ਕਾਫੀ ਅਮੀਰ ਸੀ ਜਿਸ ਨੇ ਸ਼ਿਮਲੇ ਦੇ ਆਸ ਪਾਸ ਦਾ ਜੰਗਲੀ ਖੇਤਰ ਠੇਕੇ ਤੇ ਦਿੱਤਾ ਹੋਇਆ ਸੀ। ਇਸੇ ਹੀ ਰਿਆਸਤ ਵਿਚ ਪ੍ਰਸਿੱਧ ਗੋਲਫ਼ ਮੈਦਾਨ ਨਾਲਦੇਰਾ ਵੀ ਸ਼ਾਮਲ ਸੀ।

ਹਰ ਸਾਲ 12 ਮਈ ਨੂੰ ਇਥੇ ਮਸ਼ੋਬਰਾ ਦੇ ਬਾਜ਼ਾਰ ਵਿਚ ਇਕ ਮੇਲਾ ਲਗਦਾ ਸੀ ਜਿਸ ਵਿਚ ਆਸੇ ਪਾਸੇ ਦੇ ਲੋਕ ਸ਼ਾਮਲ ਹੁੰਦੇ ਸਨ। ਇਸ ਰਿਆਸਤ ਦੀਆਂ ਕਈ ਰਮਣੀਕ ਥਾਵਾਂ ਤੇ ਵਾਇਸਰਾਇ ਅਤੇ ਦੇਸ਼ ਦੇ ਹੋਰ ਉੱਚ ਅਧਿਕਾਰੀਆਂ ਦੀ ਰਿਹਾਇਸ਼ ਦਾ ਪ੍ਰਬੰਧ ਸੀ।