ਗਰਬ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਗਰਬ [ਨਾਂਪੁ] ਹੰਕਾਰ , ਅਭਿਮਾਨ, ਗ਼ਰੂਰ

ਗਰਬ ਸਰੋਤ : ਸਿੱਖ ਪੰਥ ਵਿਸ਼ਵਕੋਸ਼, ਗੁਰ ਰਤਨ ਪਬਲਿਸ਼ਰਜ਼, ਪਟਿਆਲਾ।

ਗਰਬ: ਇਸ ਦਾ ਅਰਥ ਹੈ ਅਹੰਕਾਰ , ਹਉਮੈ। ਗੁਰੂ ਤੇਗ ਬਹਾਦਰ ਜੀ ਨੇ ਗਰਬ ਕਰਨ ਦੀ ਪ੍ਰਵ੍ਰਿਤੀ ਨੂੰ ਨਕਰਾਦਿਆਂ ਕਿਹਾ ਹੈ— ਗਰਬੁ ਕਰਤੁ ਹੈ ਦੇਹ ਕੋ ਬਿਨਸੈ ਛਿਨ ਪੈ ਮੀਤ। (ਗੁ.ਗ੍ਰੰ.428)। ਗੁਰੂ ਅਮਰਦਾਸ ਜੀ ਨੇ ਗਰਬ ਵਿਚ ਫਸੇ ਵਿਅਕਤੀ ਨੂੰ ਆਵਾਗਵਣ ਵਿਚ ਉਲਝਿਆ ਦਸਿਆ ਹੈ— ਮਨ ਤੂੰ ਗਾਰਬਿ ਅਟਿਆ ਗਾਰਬਿ ਲਦਿਆ ਜਾਹਿ। ਮਾਇਆ ਮੋਹਣੀ ਮੋਹਿਆ ਫਿਰਿ ਫਿਰਿ ਜੂਨੀ ਭਵਾਹਿ। (ਗੁ. ਗ੍ਰੰ.441)। ਗੁਰਮਤਿ ਅਨੁਯਾਈਆਂ ਨੂੰ ਇਸ ਤੋਂ ਸੰਕੋਚ ਕਰਨਾ ਚਾਹੀਦਾ ਹੈ। ਵੇਖੋ ‘ਹਉਮੈ’।

ਗਰਬ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਗਰਬ (ਸੰ.। ਸੰਸਕ੍ਰਿਤ ਗਰੑਬੑਬ:) ਅਹੰਕਾਰ। ਯਥਾ-‘ਗਰਬੁ ਬਡੋ ਮੂਲੁ ਇਤਨੋ’। ਤਥਾ-‘ਵਾਊ ਸੰਦੇ ਕਪੜੇ ਪਹਿਰਹਿ ਗਰਬਿ ਗਵਾਰ’। ਗਰਬ ਗੁਬਾਰ=ਅਹੰਕਾਰ ਦੇ ਅੰਧੇਰੇ ਵਿਚ।