ਘੇਰ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਘੇਰ 1 [ਨਾਂਇ] ਗਿਰਦਾ, ਚੱਕਰ , ਵਲ਼ਗਣ, ਘੇਰਾ; ਸਿਰ ਦਾ ਚੱਕਰ ਖਾਣ ਦਾ ਭਾਵ, ਦਿਲ ਨੂੰ ਘਬਰਾਹਟ ਹੋਣ ਦਾ ਭਾਵ 2. [ਨਾਂਪੁ] (ਲਹਿੰ) ਉਹ ਦੁੱਧ ਜਾਂ ਦਹੀਂ ਜਿਸ ਵਿੱਚੋਂ ਮੱਖਣ ਨਾ ਕੱਢਿਆ ਹੋਵੇ

ਘੇਰ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਘੇਰ. ਸੰਗ੍ਯਾ—ਘੁਮੇਰੀ. “ਤੀਨ ਆਵਰਤ ਕੀ ਚੂਕੀ ਘੇਰ.” (ਰਾਮ ਮ: ੫) ਤਿੰਨ ਗੁਣਾਂ ਦੀ ਘੁਮਣਵਾਣੀ ਤੋਂ ਹੋਈ ਸਿਰ (ਆਤਮਾ) ਨੂੰ ਘੁਮੇਰੀ ਮਿਟ ਗਈ. ਅਰਥਾਤ ਤ੍ਰਿਗੁਣਾਤਮਕ ਪ੍ਰਕ੍ਰਿਤੀ ਆਪਣਾ ਫਰਜ ਪੂਰਾ ਕਰਕੇ ਮੁਕ੍ਤਾਤਮਾ ਤੋਂ ਉਪਰਾਮ ਹੋ ਗਈ। ੨ ਵਲਗਣ। ੩ ਚੌਫੇਰਾ. ਚੌਗਿਰਦਾ.

ਘੇਰ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਘੇਰ (ਸੰ.। ਪੰਜਾਬੀ ਘੇਰਨਾ ਤੋਂ ਘੇਰਾ ਤੇ ਘੇਰ) ਗੋਲਾਕਾਰ , ਚੱਕ੍ਰ , ਭ੍ਰਮਰੀ। ਯਥਾ-‘ਤੀਨਿ ਆਵਰਤ ਕੀ ਚੂਕੀ ਘੇਰ’ ਤਿੰਨ ਗੁਣਾਂ ਦੀ ਭ੍ਰਮਰੀ ਦੂਰ ਹੋ ਗਈ ਹੈ।