ਚੋਲਾ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਚੋਲਾ ਦੇਖੋ, ਚੋਲ ੧. ਅਤੇ ੨ “ਗੁਣਨਿਧਾਨੁ ਪ੍ਰਗਟਿਓ ਇਹ ਚੋਲੈ.” (ਕਾਨ ਮ: ੫) “ਲਾਲ ਚੋਲਨਾ ਤੈ ਤਨਿ ਸੋਹਿਆ.” (ਆਸਾ ਮ: ੫) “ਭਇਆ ਪੁਰਾਣਾ ਚੋਲਾ.” (ਸ੍ਰੀ ਮ: ੧) “ਮੇਰੈ ਕੰਤੁ ਨ ਭਾਵੈ ਚੋਲੜਾ.” (ਤਿਲੰ ਮ: ੧) ਪਾਖੰਡ ਦਾ ਲਿਬਾਸ ਨਹੀਂ ਭਾਉਂਦਾ.

ਚੋਲਾ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਚੋਲਾ (ਸੰ.। ਸੰਸਕ੍ਰਿਤ ਚੋਲ:) ਝੱਗਾ , ਜਾਮਾ। ਯਥਾ-‘ਰਤਾ ਮੇਰਾ ਚੋਲਾ’^*।

੨. ਚੁਹਲ, ਖੁਸ਼ੀ। ਯਥਾ-‘ਇਹੁ ਨਾਨਕ ਕੀਨੋ ਚੋਲਾੑ ’।

੩. ਕੋਈ ਸੁਆਦੀ ਖਾਣ ਦੀ ਚੀਜ਼। ਯਥਾ-‘ਮਿਲੇ ਸਾਚਾ ਚੋਲਾ ਰਾਮ’।

੪. ਕਈ ਗ੍ਯਾਨੀ ਚੋਲਾ ਤੋਂ ਮੁਰਾਦ ਬੁਧੀ ਤੋਂ ਬੀ ਲੈਂਦੇ ਹਨ।

----------

* ਗ੍ਯਾਨੀ ਦਸਦੇ ਹਨ, ਜਿਸ ਪਿੰਡ ਇਹ ਸ਼ਬਦ ਉਚਾਰਿਆ ਗਿਆ ਸੀ ਉਸ ਦਾ ਨਾਮ ਹੁਣ ਤਕ ਚੋਲਾ ਹੈ।

ਚੋਲਾ ਸਰੋਤ : ਪੰਜਾਬੀ ਵਿਸ਼ਵ ਕੋਸ਼–ਜਿਲਦ ਦਸਵੀਂ, ਭਾਸ਼ਾ ਵਿਭਾਗ ਪੰਜਾਬ

ਚੋਲਾ : ਦੱਰਾ––ਇਹ ਪੂਰਬੀ ਹਿਮਾਲਾ ਦੀ ਚੋਲਾ ਪਰਬਤ-ਲੜੀ ਵਿਚ ਇਕ ਦੱਰਾ ਹੈ ਜੋ ਸਮੁੰਦਰੀ ਸਤ੍ਹਾ ਤੋਂ ਲਗਭਗ 3,350 ਮੀ. ਦੀ ਉਚਾਈ ਤੇ ਸਥਿਤ ਹੈ। ਇਹ ਦੱਰਾ ਸਿੱਕਮ ਅਤੇ ਚੁਬੀ ਵਾਦੀ (ਤਿੱਬਤ) ਨੂੰ ਮਿਲਾਉਂਦਾ ਹੈ।

          27° 25' ਉ. ਵਿਥ.; 88° 49' ਪੂ. ਲੰਬ.

          ਹ. ਪੁ.––ਇੰਪ. ਗ. ਇੰਡ. 10 : 327