ਨੰਦੀ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਨੰਦੀ. ਦੇਖੋ, ਨੰਦਿ ਅਤੇ ਨਾਂਦੀਮੁਖ. “ਬ੍ਯਾਹ ਸਮੈ ਨੰਦੀ ਕਰੈ.” (ਗੁਪ੍ਰਸੂ) ੨ ਸ਼ਿਵ ਦੀ ਸਵਾਰੀ ਦਾ ਬੈਲ. “ਅਮਿਤ ਬਾਣ ਨੰਦੀ ਕਹੁ ਮਾਰੇ.” (ਰੁਦ੍ਰਾਵ) ੩ ਸ਼ਿਵ ਦੇ ਨਾਮ ਪੁਰ ਦਾਗ ਦੇ ਕੇ ਛੱਡਿਆ ਹੋਇਆ ਸਾਂਡ. ਬੈਲ। ੪ ਵਿ—ਆਨੰਦੀ. ਖ਼ੁਸ਼.

ਨੰਦੀ ਸਰੋਤ : ਪੰਜਾਬ ਕੋਸ਼–ਜਿਲਦ ਦੂਜੀ, ਭਾਸ਼ਾ ਵਿਭਾਗ ਪੰਜਾਬ

ਨੰਦੀ : ਇਹ ਸ਼ਿਵ ਜੀ ਦੇ ਬਲਦ ਦਾ ਨਾਂ ਹੈ। ਵਾਯੂ ਪੁਰਾਣ ਅਨੁਸਾਰ  ਇਹ ਕਸ਼ਯਪ ਤੇ ਸੁਰਭੀ ਦਾ ਪੁੱਤਰ ਸੀ । ਇਸ ਦੇ ਚਿੱਟੇ ਰੰਗ ਦੀ ਦੁੱਧ ਰੰਗੀ ਮੂਰਤੀ ਸ਼ਿਵਾਲਿਆ ਦੇ ਸਾਹਮਣੇ ਬਣੀ ਹੋਈ ਹੁੰਦੀ ਹੈ। ਇਸ ਨੂੰ ਸਾਰੇ ਪਸ਼ੂਆਂ ਦਾ ਰਖਿਅਕ ਮੰਨਿਆ ਜਾਂਦਾ ਹੈ। ਇਸ ਨੂੰ ਸ਼ਾਲੰਕਾਯਨ ਵੀ ਕਹਿੰਦੇ ਹਨ । ਨਾਦਿ ਦੇਹ ਅਤੇ ਤਾਂਡਵ-ਤਾਲਿਕ ਇਸ ਦੀਆਂ ਦੋ ਉਪਾਧੀਆਂ ਹਨ ਕਿਉਂਕਿ ਇਹ ਆਪਣੇ ਸੁਆਮੀ ਨਾਲ ਤਾਂਡਵ ਨਾਚ ਕਰਨ ਸਮੇਂ ਸਾਥ ਦਿੰਦਾ ਸੀ।