ਪਲ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਪਲ [ਨਾਂਪੁ] ਸਮੇ ਦਾ ਇੱਕ ਮਾਪ, ਇੱਕ ਸਕਿੰਟ ਦੀ ਇੱਕ ਇਕਾਈ , ਬਹੁਤ ਥੋੜ੍ਹਾ ਸਮਾਂ; ਲਗਭਗ ਪੰਜਾਹ ਗ੍ਰਾਮ ਵਜ਼ਨ

ਪਲ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਪਲ. ਸੰ. ਸੰਗ੍ਯਾ—੨੪ ਸੈਕਁਡ (second) ਦਾ ਸਮਾ. “ਪਲ ਭੀਤਰਿ ਤਾਕਾ ਹੋਇ ਬਿਨਾਮ.” (ਸੁਖਮਨੀ) ੨ ਮਾਸ. ਮਾਂਸ. “ਬਹੁ ਭੂਤ ਪਿਸਾਚਨ ਕਾਕਨ ਡਾਕਨਿ ਤੋਖ ਕਰੈ ਪਲ ਮੇ ਪਲ ਸੋਂ.” (ਕ੍ਰਿਸਨਾਵ) ੩ ਚਾਰ ਤੋਲਾ ਭਰ ਵਜ਼ਨ। ੪ ਤਰਾਜ਼ੂ. ਤੁਲਾ। ੫ ਤਰਾਜ਼ੂ ਦਾ ਪਲੜਾ । ੬ ਅੱਖ ਦਾ ਪੜਦਾ. ਪਲਕ । ੭ ਮੂਰਖ.

ਪਲ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਪਲ (ਸੰ.। ਸੰਸਕ੍ਰਿਤ) ੧. ਇਕ ਘੜੀ ਦਾ ਸਠਵਾਂ ਹਿੱਸਾ , ਥੋੜਾ ਸਮਾਂ। ਯਥਾ-ਇਕੁ ਪਲੁ ਦਿਨਸੁ ਮੋਕਉ ਕਬਹੁ ਨ ਬਿਹਾਵੈ’।

੨. (ਸੰਸਕ੍ਰਿਤ ਧਾਤੂ ਪਲੑ=ਹਿੱਲਨਾ) ਪਲਕਾਰਾ।           ਦੇਖੋ , ‘ਪੰਕਜ ੪’

੩. ਦੇਖੋ, ‘ਪਲੈ ੩.’।