ਫੇਰ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਫੇਰ [ਕਿਵਿ] ਮੁੜ ਕੇ, ਫਿਰ; ਦੁਬਾਰਾ, ਗੇੜ, ਚੱਕਰ , (ਸਮੇ ਦੀ) ਮੁਸ਼ਕਲ

ਫੇਰ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਫੇਰ. ਵ੍ਯ-ਪੁਨਹ. ਬਹੁਰ। ੨ ਸੰਗ੍ਯਾ—ਗੇੜਾ ਚਕ੍ਰ. “ਫੇਰ ਮਿਲੇ, ਪਰ ਫੇਰ ਨ ਆਏ.” (ਦੱਤਾਵ) ਚੌਰਾਸੀ ਦੇ ਗੇੜੇ ਵਿੱਚ ਪੈ ਗਏ, ਪਰ ਮੁੜਕੇ ਉਸ ਸ਼ਕਲ ਵਿੱਚ ਪੁਨ: ਨ ਆਏ. “ਬਹੁਤੇ ਫੇਰ ਪਏ ਕਿਰਪਨ ਕਉ.” (ਧਨਾ ਮ: ੩) “ਸਤਿਗੁਰਿ ਮਿਲਿਐ ਫੇਰ ਨ ਪਵੈ.” (ਸ੍ਰੀ ਅ: ਮ: ੩) ੩ ਦਾਉ. ਪੇਚ । ੪ ਦਾਖਿਲੇ ਤੋਂ ਵਾਪਿਸੀ. ਅੰਦਰ ਵੜਨੋਂ ਰੁਕਾਵਟ. “ਦਰਿ ਫੇਰ ਨ ਕੋਈ ਪਾਇਦਾ.” (ਮਾਰੂ ਸੋਲਹੇ ਮ: ੫)