ਫੇਰੇ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਫੇਰੇ (ਨਾਂ,ਪੁ,ਬ) ਵਿਆਹ ਸਮੇਂ ਲਾੜੇ ਲਾੜੀ ਦੁਆਰਾ ਅਗਨੀ ਜਾਂ ਗੁਰੂ ਗ੍ਰੰਥ ਸਾਹਿਬ ਦੁਆਲੇ ਕੀਤੀ ਪ੍ਰਕਰਮਾ

ਫੇਰੇ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਫੇਰੇ [ਨਾਂਪੁ] (ਬਵ) ਵਿਆਹ ਦੀ ਰਸਮ ਵੇਲ਼ੇ ਗੁਰੂ ਗ੍ਰੰਥ ਸਾਹਿਬ ਜਾਂ ਅਗਨੀ ਦੁਆਲ਼ੇ ਲਗਾਏ ਗਏ ਚੱਕਰ , ਲਾਵਾਂ

ਫੇਰੇ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਫੇਰੇ (ਗੁ.। ਦੇਖੋ , ਫੇਰੀ) ੧. ਭ੍ਰਮਣਾ, ਗੇੜੇ , ਚੁਰਾਸੀ ਦੇ ਚੱਕਰ^*। ਯਥਾ-‘ਇਹੁ ਮਨੁ ਭੂਲਾ ਜਾਦਾ ਫੇਰੇ’।

੨. ਮੋੜ। ਯਥਾ-‘ਅਸੰਖ ਅਵਗਣ ਖਤੇ ਫੇਰੇ ਨਿਤ ਪ੍ਰਤਿ ਸਦ ਭੂਲੀਐ’। ਭਾਵ ਅਸਾਂ ਅਣਗਿਣਤ ਔਗਣ, ਭੁੱਲਾਂ ਤੇ ਮੋੜ ਕੀਤੇ ਹਨ।

੩. (ਕ੍ਰਿ.) ਮੋੜੇ। ਯਥਾ-‘ਇਹੁ ਮਨੁ ਭੂਲਾ ਜਾਦਾ ਫੇਰੇ’। ਇਸ ਮਨ ਭੁੱਲੇ ਹੋਏ ਨੂੰ (ਫੇਰੇ) ਮੋੜੇ।

----------

* ਅੱਜ ਕਲ ਲਾਵਾਂ ਨੂੰ ਬੀ ਕਹਿੰਦੇ ਹਨ।