ਬੋਲ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਬੋਲ [ਨਾਂਪੁ] ਬੋਲੇ ਜਾਣ ਵਾਲ਼ੇ ਸ਼ਬਦਾਂ ਦਾ ਭਾਵ; ਮੂੰਹੋਂ ਨਿਕਲ਼ੀ ਗੱਲ , (ਬਵ) (ਕਵਿ) ਕੁਝ ਸਤਰਾਂ; (ਸੰਗੀ.) ਫ਼ਿਕਰੇ

ਬੋਲ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਬੋਲ (ਸੰ.। ਪੰਜਾਬੀ ਬੋਲਣਾ। ਸੰਸਕ੍ਰਿਤ ਬ੍ਰੂ। ਪ੍ਰਾਕ੍ਰਿਤ ਬੁਲਲੑਈ।) ਬਚਨ। ਯਥਾ-‘ਕਿਉ ਬੋਲੁ ਹੋਵੈ ਜੋਖੀਵਦੈ’। ਜੋਖਣ ਵੇਲੇ ਬੋਲਣਾ ਕਿਕੁਣ ਹੋਵੈ ਭਾਵ ਜਦ ਜੋ ਕੁਛ ਹੋ ਰਿਹਾ ਹੈ ਤੋਲਿਆ ਜਾ ਕੇ (ਨਿਆਂ ਬ੍ਰਿਤੀ ਨਾਲ) ਹੋ ਰਿਹਾ ਹੈ, ਤਦ ਫੇਰ ਬੋਲਣਾ ਨਹੀਂ ਹੁੰਦਾ ।

੨. (ਕ੍ਰਿ.) ਕਹੋ। ਯਥਾ-‘ਰਾਮ ਬੋਲ’।

੩. ਬੋਲ ਤੋਂ ਬੋਲੈ-ਕਹਿੰਦੇ ਹਨ। ਯਥਾ-‘ਬੋਲੈ ਸੇਖ ਫਰੀਦੁ’।

                        ਦੇਖੋ , ‘ਬੋਲ ਵਿਗਾੜੁ’