ਰਸੀਦ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਰਸੀਦ (ਨਾਂ,ਇ) ਕਿਸੇ ਚੀਜ਼ ਦੀ ਪਹੁੰਚ ਜਾਂ ਵਸੂਲੀ ਦੀ ਲਿਖ਼ਤ; ਪ੍ਰਾਪਤ ਕੀਤੇ ਜਾਂ ਦਿੱਤੇ ਧਨ, ਵਸਤ ਆਦਿ ਦੀ ਲਿਖ਼ਤ

ਰਸੀਦ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਰਸੀਦ [ਨਾਂਇ] ਧਨ ਜਾਂ ਕਿਸੇ ਵਸਤ ਦੀ ਵਸੂਲੀ ਦੀ ਲਿਖਤ , ਪਹੁੰਚ , ਵਸੂਲੀ

ਰਸੀਦ ਸਰੋਤ : ਕਾਨੂੰਨੀ ਵਿਸ਼ਾ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

Receipt_ਰਸੀਦ: ਧਨ ਦੀ ਕੋਈ ਰਕਮ ਜਾਂ ਸੰਪਤੀ ਪ੍ਰਾਪਤ ਕੀਤੇ ਹੋਣ ਦੀ ਲਿਖਤੀ ਮਨੌਤ ਕਿ ਉਹ ਰਕਮ ਜਾਂ ਸੰਪਤੀ ਵਸੂਲ ਕਰ ਲਈ ਗਈ ਹੈ। ਰਸੀਦ ਵਿਚ ਕੋਈ ਲਿਖਤੀ ਨੋਟ , ਯਾਦਾਸ਼ਤ ਜਾਂ ਕੋਈ ਹੋਰ ਲਿਖਤ ਸ਼ਾਮਲ ਹੈ ਜਿਸ ਦੁਆਰਾ ਕੋਈ ਰਕਮ, ਵਟਾਂਦਰਾ-ਪੱਤਰ, ਜਾਂ ਪਰਨੋਟ ਪ੍ਰਾਪਤ ਕਰ ਲਏ ਗਏ ਹੋਣ ਦੀ ਗੱਲ ਮੰਨੀ ਗਈ ਹੋਵੇ। ਕਿਸੇ ਰਿਣ ਦੀ ਤੁਸ਼ਟੀ ਦੇ ਤੌਰ ਤੇ ਕੋਈ ਚੁੱਕਵੀਂ ਸੰਪਤੀ ਹਾਸਲ ਕਰ ਲਏ ਗਏ ਹੋਣ ਦੀ ਮਾਨਤਾ ਦੀ ਜ਼ਿਕਰ ਕਰਦੀ ਲਿਖਤ ਨੂੰ ਵੀ ਰਸੀਦ ਕਿਹਾ ਜਾਂਦਾ ਹੈ।

ਰਸੀਦ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਰਸੀਦ (ਕ੍ਰਿ.। ਫ਼ਾਰਸੀ) ਪਹੁੰਚੇ , ਪਹੁੰਚੇ ਹੋਏ। ਯਥਾ-‘ਸੇਖ ਮਸਾਇਕ ਕਾਜੀ ਮੁਲਾ ਦਰਿ ਦਰਵੇਸ ਰਸੀਦ’। ਭਾਵ ਕਿ ਸ਼ੇਖ ਆਦਿਕ ਭੇਖ ਤਾਂ ਬਹੁਤ ਹਨ, ਪਰ ਜੋ ਉਸ ਦੇ ਦਰਿ ਦੇ ਦਰਵੇਸ਼ ਹਨ, ਓਹੀ ਪਹੁੰਚੇ ਹਨ।