ਉਤਰ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਉਤਰ. ਦੇਖੋ, ਉਤਰਣਾ ਅਤੇ ਉੱਤਰ.

ਉਤਰ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਉਤਰ (ਸੰ.। ਸੰਸਕ੍ਰਿਤ ਉਤ੍ਤਰ)

੧. ਉਤਰ ਦਿਸ਼ਾ, ਪਹਾੜ ਦਾ ਪਾਸਾ। ਯਥਾ-‘ਉਤਰਿ ਦਖਿਣਿ ਪੁਬਿ ਦੇਸਿ ਪਸ੍ਚਮਿ ਜਸੁ ਭਾਖਹ’।

੨. ਜਵਾਬ-‘ਰੋਸੁ ਨ ਕੀਜੈ ਉਤਰੁ ਦੀਜੈ’।

੩. (ਸੰਸਕ੍ਰਿਤ ਅਵਤਰਣ।) ਪ੍ਰਾਕ੍ਰਿਤਿ, ਉਤ੍ਤਰਣ। ਪੰਜਾਬੀ ਉਤਰਣਾ) ਉਤਰ ਕੇ। ਯਥਾ-‘ਉਤਰਿ ਅਵਘਟਿ ਸਰਵਰਿ ਨਾ­ੑਵੈ’ (ਕਾਮਾਦੀ) ਕਠਨ ਘਾਟ ਉਤਰਕੈ ਸੰਤ ਸਰੋਵਰ ਵਿਚ ਨ੍ਹਾਵੇ।

੪. ਲੰਘਨਾ। ਯਥਾ-‘ਜਉ ਗੁਰਦੇਉ ਤ ਉਤਰੈ ਪਾਰਿ’ ਪਾਰ ਲੰਘਦਾ ਹੈ (ਸੰਸਾਰ ਥੋਂ)।

੫. (ਕ੍ਰਿ.। ਦੇਸ਼ ਭਾਸ਼ਾ) ਬੈਠੀ ਹੋਈ। ਯਥਾ-‘ਅੰਤਰਿ ਬਿਖਿਆ ਉਤਰੀ ਘੇਰੇ ’।