ਕੋਕ ਸਰੋਤ : ਜੁਗਰਾਫ਼ੀਏ ਦਾ ਵਿਸ਼ਾ-ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

Cacao cocoa (ਕਅਕਾਉ, -ਕੋਕੋ) ਕੋਕ: ਤਪਤਖੰਡ ਦਾ ਇਕ ਛੋਟਾ ਸਦਾਬਹਾਰ ਬਿਰਖ਼ (Theobroma cacao) ਦਾ ਫਲ ਕੋਕੋ (co-coa) ਜੋ ਖ਼ਾਸ ਕਰਕੇ ਚਾਕਲੇਟ (chocolate) ਵਾਸਤੇ ਵਰਤਿਆ ਜਾਂਦਾ ਹੈ। ਸੰਸਾਰ ਦੇ ਮੁੱਖ ਉਤਪਾਦਕ ਨਾਇਜੇਰੀਆ, ਬਰਾਜ਼ੀਲ ਅਤੇ ਘਾਨਾ ਹਨ।

ਕੋਕ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਕੋਕ. ਸੰ. ਸੰਗ੍ਯਾ—ਚਕਵਾ. ਸੁਰਖ਼ਾਬ. “ਅਰਿ ਕੋਕ ਕੁਲ ਸ਼ੋਕਵੰਤ.” (ਸ਼ੇਖਰ) ੨ ਬਘਿਆੜ. ਭੇੜੀਆ। ੩ ਖਜੂਰ ਦਾ ਬਿਰਛ। ੪ ਡੱਡੂ. ਮੇਂਡਕ। ੫ ਵਿ੄ਨੁ। ੬ ਇੱਕ ਪੰਡਿਤ, ਜਿਸ ਦਾ ਬਣਾਇਆ ਕਾਮਸ਼ਾਸਤ੍ਰ ਹੈ. ਇਸ ਸ਼ਾਸਤ੍ਰ ਦੀ ਪ੍ਰਸਿੱਧ ਪੋਥੀ “ਕੋਕ” ਹੈ. “ਕਹੂੰ ਕੋਕ ਕਾਵ੍ਯ ਔ ਪੁਰਾਨ ਕੋ ਪੜ੍ਹਤ ਮਤ.” (ਅਕਾਲ) ਦੇਖੋ, ਕਾਮਸ਼ਾਸਤ੍ਰ। ੭ ਹਿੰਦੀ. ਮਰੋੜ. ਪੇਂਚ. ਵਲ ਦੇਣਾ, ਜਿਵੇਂ—ਘੜੀ ਨੂੰ ਕੋਕਣਾ.

ਕੋਕ ਸਰੋਤ : ਪੰਜਾਬੀ ਵਿਸ਼ਵ ਕੋਸ਼–ਜਿਲਦ ਅੱਠਵੀਂ, ਭਾਸ਼ਾ ਵਿਭਾਗ ਪੰਜਾਬ

ਕੋਕ : ਇਹ ਇਕ ਪੰਡਤ ਸੀ ਜਿਸ ਨੇ ਕਾਮ-ਸ਼ਾਸਤਰ ਦੀ ਰਚਨਾ ਕੀਤੀ ਸੀ। ਇਹ ਸ਼ਾਸਤਰ ਦੀ ਪ੍ਰਸਿੱਧ ਪੋਥੀ ‘ਕੋਕ’ ਹੈ। ਇਸ ਦੇ ਰਚਿਤ ਕਾਮ ਸ਼ਾਸਤਰ ਵਿਚ ਔਰਤ ਮਰਦ ਦੇ ਲਿੰਗ ਸਬੰਧਾਂ ਦੇ ਵੇਰਖਾ ਦਿੱਤਾ ਹੋਇਆ ਹੈ। ਰਤੀ ਰਹੱਸ, ਕਾਮਸੂਤਰ, ਕਾਮ ਸ਼ਾਸਤਰ ਆਦਿ ਗੱਲਾਂ ਵੇਰਵੇ ਸਾਹਿਤ ਇਸ ਸ਼ਾਸਤਰ ਵਿਚ ਦਰਸਾਈਆਂ ਗਈਆਂ ਹਨ।

          ਹ. ਪੁ.– ਪੰ. ਕੋ. 2 : 694; ਪ੍ਰਾ. ਚਰਿ. ਕੋਸ਼. 167