ਕੋਠੀ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਕੋਠੀ (ਨਾਂ,ਇ) ਤੂੜੀ ਰਲਾ ਕੇ ਗੋਈ ਮਿੱਟੀ ਨਾਲ ਕੋਠੇ ਦੇ ਅੰਦਰ ਅਨਾਜ ਰੱਖਣ ਲਈ ਬਣਾਈ ਭੜੋਲੇ ਵਰਗੀ ਬੁਖ਼ਾਰੀ

ਕੋਠੀ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਕੋਠੀ [ਨਾਂਇ] ਬੰਗਲਾ , ਹਵੇਲੀ , ਵੱਡਾ ਮਕਾਨ; ਇੱਕ ਤਰ੍ਹਾਂ ਦਾ ਭੜੋਲਾ ਜਿਸ ਵਿੱਚ ਅਨਾਜ ਰੱਖਿਆ ਜਾਂਦਾ ਹੈ, ਖੇਤਾਂ ਵਿੱਚ ਟਿਊਬਵੈੱਲ ਆਦਿ’ਤੇ ਬਣਾਇਆ ਨਿੱਕਾ ਜਿਹਾ ਮਕਾਨ; ਜੇਲ੍ਹ

ਵਿਚਲੀ ਕਾਲ-ਕੋਠੜੀ, ਫਾਂਸੀ ਦੀ ਸਜ਼ਾ

ਕੋਠੀ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਕੋਠੀ. ਛੋਟਾ ਕੋ੄਎. ਕੋਠੜੀ। ੨ ਅੰਗ੍ਰੇਜ਼ੀ ਢੰਗ ਦਾ ਬੰਗਲਾ । ੩ ਵ੍ਯਾਪਾਰ ਦੀ ਦੁਕਾਨ , ਜਿਸ ਥਾਂ ਹੁੰਡੀ ਦਾ ਲੈਣ ਦੇਣ ਹੋਵੇ। ੪ ਪਲੀਤੇ ਪਾਸ ਦਾ ਬੰਦੂਕ ਦਾ ਉਹ ਭਾਗ ਜਿਸ ਵਿੱਚ ਬਾਰੂਦ ਭਰੀਦਾ ਹੈ. ਇਹ ਪੁਰਾਣੇ ਜ਼ਮਾਨੇ ਦੀ ਬੰਦੂਕਾਂ, ਜੋ ਮੂੰਹ ਤੋਂ ਭਰੀਦੀਆਂ ਸਨ, ਉਨ੍ਹਾਂ ਵਿੱਚ ਹੁੰਦੀ ਸੀ. “ਗਜ ਨਿਕਾਲ ਡਾਲਤ ਬਿਚ ਕਬੈਂ। ਕੋਠੀ ਕਿਤਕ ਬਨੀ ਲਖ ਤਬੈਂ.” (ਗੁਪ੍ਰਸੂ) ੫ ਭਾਵ—ਦੇਹ. “ਅੰਧੀ ਕੋਠੀ ਤੇਰਾ ਨਾਮੁ ਨਾਹੀ.” (ਆਸਾ ਮ: ੧)

ਕੋਠੀ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਕੋਠੀ (ਸੰ.। ਸੰਸਕ੍ਰਿਤ ਕੋਖ਼ਠੑ। ਪ੍ਰਾਕ੍ਰਿਤ ਕੋਟਠੑਅ। ਪੰਜਾਬੀ ਕੋਠਾ , ਕੋਠੀ) ੧. ਕੋਠੜੀ।

੨. ਭਾਵ ਵਿਚ ਹਿਰਦਾ। ਯਥਾ-‘ਮਨਮੁਖ ਕੋਠੀ ਅਗਿਆਨੁ ਅੰਧੇਰਾ ’।