ਗਲੇ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਗਲੇ. ਗਲਗਏ. ਤ੍ਰੱਕੇ. ਸੜੇ. “ਹੰਕਾਰੀਆ ਨਾਨਕ ਗਰਬਿ ਗਲੇ.” (ਸੁਖਮਨੀ) ੨ ਨਿਗਲੇ. ਗਿਲੇ. “ਮਾਨ ਮੁਨੀ ਮੁਨਿਵਰ ਗਲੇ.” (ਸ. ਕਬੀਰ) ੩ ਗਲ ਨਾਲ. ਕੰਠ ਸੇ. “ਲਾਗੁ ਗਲੇ, ਸੁਨੁ ਬਿਨਤੀ ਮੇਰੀ.” (ਆਸਾ ਕਬੀਰ)

ਗਲੇ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਗਲੇ (ਕ੍ਰਿ.। ਸੰਸਕ੍ਰਿਤ ਗਰਣੰ। ਭਿਜਦਾ। ਗਲਨੰ=ਪੰਘਰਨਾ। ਪੰਜਾਬੀ ਗਲਨਾ) ੧. ਗਲ ਗਏ, ਨਸ਼ਟ ਹੋਏ, ਕਿਸੇ ਸ਼ੈ ਦਾ ਭਿਜਿਆਂ ਪਏ ਰਹਿ ਕੇ ਸੜ ਜਾਣਾ, ਗਲਨਾ ਹੁੰਦਾ ਹੈ। ਯਥਾ-‘ਨਾਨਕ ਗਰਬ ਗਲੇ’।

੨. (ਸੰਸਕ੍ਰਿਤ ਗਲ:) ਗਲ ਨਾਲ , ਕੰਠ ਨਾਲ। ਯਥਾ-‘ਲਾਗੁ ਗਲੇ ਸੁਨੁ ਬਿਨਤੀ ਮੇਰੀ ’।