ਤਕੜੀ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਤਕੜੀ. ਸੰਗ੍ਯਾ—ਤਰਾਜ਼ੂ. ਤੁਲਾ. “ਮੇਰਾ ਪ੍ਰਭੁ ਨਿਰਮਲ ਅਗਮ ਅਪਾਰਾ। ਬਿਨ ਤਕੜੀ ਤੋਲੈ ਸੰਸਾਰਾ.” (ਮਾਝ ਅ: ਮ: ੩) ਕਰਤਾਰ ਸਰਵਗ੍ਯ ਹੋਣ ਕਰਕੇ ਤਕੜੀ ਦੀ ਜ਼ਰੂਰਤ ਨਹੀਂ ਰਖਦਾ. ਇਸ ਵਿ੄ਯ ਦੇਖੋ, .ਕੁਰਾਨ ਦੀ ਸੂਰਤ ਅੰਬੀਆ, ਆਯਤ ੪੭।1 ੨ ਵਿ—ਬਲ ਵਾਲੀ. ਦ੍ਰਿੜ੍ਹ.

ਤਕੜੀ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਤਕੜੀ (ਸੰ.। ਪੰਜਾਬੀ^*) ਤੋਲਣ ਵਾਲਾ ਸੰਦ , ਤਰਾਜ਼ੂ, ਕੰਡਾ। ਭਾਵ ਬੁੱਧੀ। ਯਥਾ-‘ਲੈ ਕੈ ਤਕੜੀ ਤੋਲਣਿ ਲਾਗਾ ’। ਭਾਵ ਬੁੱਧੀ ਵਿਚ ਜਦ ਵਿਚਾਰ ਕਰਨ ਲੱਗਾ ।

----------

* ਸੰਸਕ੍ਰਿਤ ਤਰੑਕਣ (=ਵਿਵੇਚਨਾ ਕਰਨੀ, ਜਾਚਣਾ) ਜਿਸ ਦਾ ਮੂਲ ਜਾਪਦਾ ਹੈ। ਤਰੑਕਣ, ਤਰੱਕਣ, ਤੱਕੜ , ਇਸ ਦੇ ਰੂਪ ਬਦਲੀ ਦੇ ਪਦ ਜਾਪਦੇ ਹਨ।