ਦਾਸੀ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਦਾਸੀ (ਨਾਂ,ਇ) ਜ਼ਨਾਨਖਾਨੇਂ ਦੀ ਸੇਵਾ ਕਰਨ ਵਾਲੀ ਟਹਿਲਣ

ਦਾਸੀ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਦਾਸੀ [ਨਾਂਇ] ਸੇਵਾ ਕਰਨ ਵਾਲ਼ੀ ਔਰਤ, ਟਹਿਲਣ; ਗ਼ੁਲਾਮ ਔਰਤ

ਦਾਸੀ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਦਾਸੀ  ਸੰਗ੍ਯਾ—ਸੇਵਾ ਕਰਨ ਵਾਲੀ. ਟਹਿਲਣ. “ਜਾਕੈ ਸਿਮਰਨਿ ਕਵਲਾ ਦਾਸਿ.” (ਮਾਲੀ ਮ: ੫) “ਗਹਿ ਭੁਜਾ ਲੀਨੀ ਦਾਸਿ ਕੀਨੀ.” (ਬਿਲਾ ਛੰਤ ਮ: ੫) “ਠਾਕੁਰ ਛੋਡਿ ਦਾਸੀ ਕਉ ਸਿਮਰਹਿ.” (ਭੈਰ ਮ: ੫) ਇੱਥੇ ਦਾਸੀ ਤੋਂ ਭਾਵ ਮਾਇਆ ਹੈ। ੨ ਮੁਹਰ. ਅਸ਼ਰਫ਼ੀ. “ਦਾਸੀ ਪਾਂਚ ਭੇਟ ਧਰਦੀਨੀ.” (ਗੁਵਿ ੬) ੩ ਦਾਸ ਨੇ. “ਹਰਿ ਸੁਖਨਿਧਾਨ ਨਾਨਕ ਦਾਸਿ ਪਾਇਆ.” (ਧਨਾ ਮ: ੫) ੪ ਦੇਖੋ, ਦਾਸੀਂ.

ਦਾਸੀ ਸਰੋਤ : ਕਾਨੂੰਨੀ ਵਿਸ਼ਾ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

Dasi_ਦਾਸੀ: ਹਿੰਦੂ ਕਾਨੂੰਨ ਦਾ ਸ਼ਬਦ ਹੈ ਜਿਸ ਦਾ ਲਫ਼ਜ਼ੀ ਮਤਲਬ ਹੈ ਗ਼ੁਲਾਮ ਇਸਤਰੀ। ਪਰ ਅਜ ਕੱਲ੍ਹ ਇਸ ਦਾ ਅਰਥ ਅਜਿਹੀ ਇਸਤਰੀ ਤੋਂ ਲਿਆ ਜਾਂਦਾ ਹੈ ਜੋ ਕਿਸੇ ਪਰਿਵਾਰ ਵਿਚ ਇਕ ਆਸਰਿਤ ਦੇ ਤੌਰ ਰਹਿੰਦੀ ਹੈ (ਬਾਈ ਮੋਘੀ ਬਾਈ ਬਨਾਮ ਨਾਗੂ ਬਾਈ-ਏ ਆਈ ਆਰ 1923 ਬੰਬੇ 130)।

ਦਾਸੀ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਦਾਸੀ (ਸੰ.। ਸੰਸਕ੍ਰਿਤ ਦਾਸੀ) ੧. ਟਹਿਲਣ, ਸੇਵਕਣੀ। ਯਥਾ-‘ਮਾਇਆ ਦਾਸੀ ਭਗਤਾ ਕੀ ਕਾਰ ਕਮਾਵੈ’।

੨. ਦਾਸਾਂ ਨੇ।

੩. ਟਹਿਲ ਵਾਲੀ ਭਾਵ ਮਾਇਆ। ਯਥਾ-‘ਦਾਸੀ ਸੰਗਤਿ ਪ੍ਰਭੂ ਤਿਆਗਿ ਏ ਕਰਮ ਹਮਾਰੇ’।