ਪਲੈ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਪਲੈ. ਪੜੈ. ਪਵੈ. “ਲੋਭੀ ਕਾ ਜੀਉ ਟਲਪਲੈ.” (ਸ੍ਰੀ ਮ: ੧) ਟਲ ਪੈਂਦਾ ਹੈ। ੨ ਪਲਦਾ ਹੈ. ਦੇਖੋ, ਪਲਨਾ। ੩ ਲੜ ਵਿੱਚ. ਦੇਖੋ, ਪਲੇ ੧. “ਪਲੈ ਸਾਚੁ ਸਚੇ ਸਚਿਆਰਾ.” (ਮਾਰੂ ਸੋਲਹੇ ਮ:੧) ਦੇਖੋ, ਪੱਲੇ ਪੈਣਾ.

ਪਲੈ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਪਲੈ (ਸੰ.। ਦੇਖੋ , ਪਲਾ) ੧. ਲੜ ਵਿਚ, ਝੋਲੀ ਵਿਚ, ਪਲੈ ਪੈਣ ਦਾ ਭਾਵ ਪ੍ਰਾਪਤ ਹੋਣਾ। ਯਥਾ-‘ਪਲੈ ਸਭੁ ਕਿਛੁ ਪਾਇ’।

੨. (ਦੇਖੋ, ਪਲ) ਪਲ ਵਿਚ। ਯਥਾ-‘ਇਸੁ ਲੋਭੀ ਕਾ ਜੀਉ ਟਲ ਪਲੈ’। ਇਸ ਲੋਭੀ ਦਾ ਜੀ ਪਲ ਵਿਚ ਟਲਦਾ ਹੈ।

੩. (ਕ੍ਰਿ.। ਪੰਜਾਬੀ ਪਲਨਾ) ਪਲਦਾ ਹੈ।