ਪਾਕੁ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਪਾਕੁ. ਦੇਖੋ, ਪਾਕ ੩. “ਤਾ ਹੋਆ ਪਾਕੁ ਪਵਿਤੁ.” (ਵਾਰ ਆਸਾ) ਭੋਜਨ ਪਵਿਤ੍ਰ ਹੋਇਆ। ੨ ਦੇਖੋ, ਪਾਕ ੬. “ਤੂੰ ਨਾਪਾਕੁ ਪਾਕੁ ਨਹੀ ਸੂਝਿਆ.” (ਪ੍ਰਭਾ ਕਬੀਰ) ਇੱਥੇ ਪਾਕੁ ਤੋਂ ਭਾਵ ਕਰਤਾਰ ਹੈ। ੩  ਸੰ. ਪਾਕ (ਰਸੋਈ) ਬਣਾਉਣ ਵਾਲਾ ਪਾਕੁ. ਲਾਂਗਰੀ.

ਪਾਕੁ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਪਾਕੁ (ਗੁ.। ਫ਼ਾਰਸੀ) ੧. ਪਵਿਤ੍ਰ। ਯਥਾ-‘ਦੇਹਿ ਮਸੀਤਿ ਮਨੁ ਮਉਲਾਣਾ ਕਲਮ ਖੁਦਾਈ ਪਾਕੁ ਖਰਾ ’।

੨. ਸੰਸਕ੍ਰਿਤ ਧਾਤੂ। ਪਚੑ=ਪਕਣਾ ਤੋਂ) ਭੋਜਨ , ਰਸੋਈ। ਯਥਾ-‘ਤਾ ਹੋਆ ਪਾਕੁ ਪਵਿਤੁ’^*।

੩. ਪਕਾਵਨਾ। ਪਕਾਵਨ ਵਾਲਾ। ਯਥਾ-‘ਸੋਮ ਪਾਕ ਅਪਰਸ ਉਦਿਆਨੀ’ (ਸੋਮ ਪਾਕ) ਸ੍ਵਯੰ ਪਾਕੀ (ਆਪੇ ਰੋਟੀ ਪਕਾ ਕੇ ਖਾਣ ਵਾਲਾ) ਕਿਸੇ ਨਾਲ ਨਾ ਛੁਹਣ ਵਾਲਾ ਤੇ ਬਨਬਾਸੀ।

----------

* ਇਥੇ ਅੰਕ ੧ ਵਾਲਾ ਅਰਥ ਬੀ ਲਾ ਲੈਂਦੇ ਹਨ।