ਪੰਡਾ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਪੰਡਾ. ਸੰ. ਸੰਗ੍ਯਾ—ਗ੍ਯਾਨ. ਬੁੱਧਿ। ੨ ਵਿਚਾਰ। ੩ ਸ਼ਾਸਤ੍ਰਗ੍ਯਾਨ। ੪ ਸੰ. ਪੰਡਿਤ. ਵਿਦ੍ਵਾਨ. ਇਸੇ ਤੋਂ ਤੀਰਥਪੁਰੋਹਿਤਾਂ ਦਾ ਨਾਮ ਪੰਡਾ ਅਥਵਾ ਪਾਂਡਾ ਹੋ ਗਿਆ ਹੈ। ੫ ਪੰਡੁ (ਪੀਲੇ) ਲਈ ਭੀ ਇਹ ਸ਼ਬਦ ਵਰਤਿਆ ਹੈ— “ਪਿਖੇ ਭੀਰੁ ਪੰਡਾ.” (ਗੁਪ੍ਰਸੂ) ਕਾਯਰਾਂ ਦੇ ਪੀਲੇ ਮੂੰਹ.

ਪੰਡਾ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਪੰਡਾ (ਸੰ.। ਪੰਡਿ ਦਾ ਬਹੁਬਚਨ। ਦੇਖੋ , ਪੰਡਿ) ਗਠੜੀਆਂ। ਯਥਾ-‘ਦੁਖ ਕੀਆ ਪੰਡਾ ਖੁਲੀੑਆ’।