ਬਨ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਬਨ [ਨਾਂਪੁ] ਜੰਗਲ; ਗ਼ਰਮ ਖ਼ੁਸ਼ਕ ਇਲਾਕੇ ਦਾ ਇੱਕ ਰੁੱਖ ਜਿਸਨੂੰ ਪੀਲੂ ਲਗਦੇ ਹਨ, ਵਣ

ਬਨ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਬਨ (ਸੰ.। ਸੰਸਕ੍ਰਿਤ ਵਨ। ਪੰਜਾਬੀ ਬਨ, ਵਣ) ੧. ਜੰਗਲ। ਯਥਾ-‘ਬਨ ਬਨ ਅਵਗਾਹੇ’। ਤਥਾ-‘ਬਨਿ ਭੀਹਾਵਲੈ ਹਿਕੁ ਸਾਥੀ ਲਧਮੁ’।

            ਦੇਖੋ , ‘ਬਨ ਹਰ ਪਾਤ ’

੨. (ਸੰ.। ਹਿੰਦੀ) ਜਲ। ਯਥਾ-‘ਤੂ ਬਨ ਚਾਤੁਰ ਰੇ’। ਤੂੰ ਜਲ ਵਿਖੇ ਹੀ ਚਤੁਰ ਹੈਂ। ਤਥਾ-‘ਮਨੁ ਮਾਰਣ ਕਾਰਣਿ ਬਨ ਜਾਈਐ’ ਮਨ ਦੇ ਮਾਰਨ ਵਾਸਤੇ (ਬਨ) ਜਲ (ਜਲ ਉਪਲਖਤ ਤੀਰਥ) ਨੂੰ ਜਾਈਏ।

      ਦੇਖੋ, ‘ਤੂੰ ਬਨ ਚਾਤੁਰ ਰੇ’

੩. (ਕ੍ਰਿ.। ਪੰਜਾਬੀ ਬਣਨਾ ਤੋਂ) ਬਣਕੇ। ਯਥਾ-‘ਕਰਤ ਫਿਰੇ ਬਨ ਭੇਖ ’। ਦੇਖੋ, ‘ਬਨ ਬਨ’