ਸਚੁ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਸਚੁ. ਦੇਖੋ, ਸਚ. ਸੰਗ੍ਯਾ—ਸਤ੍ਯ. ਝੂਠ ਦਾ ਅਭਾਵ. “ਸਚੁ ਤਾਪਰ ਜਾਣੀਐ, ਜਾ ਰਿਦੈ ਸਚਾ ਹੋਇ” (ਵਾਰ ਆਸਾ) ੨ ਆਨੰਦ. “ਸਚੁ ਮਿਲੈ ਸਚੁ ਊਪਜੈ.” (ਸ੍ਰੀ ਮ: ੧) “ਜਿਹ ਪ੍ਰਸਾਦਿ ਸਚੁ ਹੋਇ.” (ਨਾਪ੍ਰ) ੩ ਸਤ੍ਯਰੂਪ ਕਰਤਾਰ. “ਆਦਿ ਸਚੁ ਜੁਗਾਦਿ ਸਚੁ.” (ਜਪੁ) ੪ ਵਿ—ਸ਼ੁਚਿ. ਪਵਿਤ੍ਰ. “ਮਨ ਮਾਂਜੈ ਸਚੁ ਸੋਈ.” (ਧਨਾ ਛੰਤ ਮ: ੧) ੫ ਦੇਖੋ, ਸੱਚ.

ਸਚੁ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਸਚੁ ਵੇਖੋ ਸਚ ।