ਸੂਝ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਸੂਝ [ਨਾਂਇ] ਸਿਆਣਪ, ਸਮਝ , ਅਕਲ , ਸੋਝੀ

ਸੂਝ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਸੂਝ. ਸੰਗ੍ਯਾ—ਸਮਝ. ਗਿਆਨ. ਸੁਬੁੱਧਿ। ੨ ਦ੍ਰਿ੡੄੍ਟ. ਨਜਰ.

ਸੂਝ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਸੂਝ^* (ਸੰ.। ਸੰਸਕ੍ਰਿਤ ਸੁ+ਧ੍ਯੈ (=ਸੋਚਣਾ) ਸੁਧੀ=ਧ੍ਯਾਨ ਸ਼ਕਤੀ, ਸਮਝ , ਬੱਧੀ। ਹਿੰਦੀ ਤੇ ਪੰਜਾਬੀ ਸੁਧ। ਸੁਧ ਤੋਂ ਪੰਜਾਬੀ ਦੂਸਰਾ ਰੂਪ ਸੂਝ, ਸੁਝ , ਸੋਝੀ, ਸੂਝਤ, ਸੋਝਾਈ, ਕ੍ਰਿਯਾ ਰੂਪ ਸੁਝਣਾ, ਸੂਝਣਾ=ਪ੍ਰਤੀਤ ਹੋਣਾ, ਸਮਝ ਵਿਚ ਆਉਣਾ, ਦਿਸਣਾ) ਦਿੱਸਣਾ, ਪ੍ਰਤੀਤੀ, ਸਮਝ। ਯਥਾ-‘ਸੂਝ ਬੂਝ ਨਹ ਕਾਇ’।

----------

* ਪ੍ਰਾਕ੍ਰਿਤ ਵਿਚ ਸੁਤ੍ਰ ਹੈ ‘ਧ੍ਯਸ੍ਯ ਝੋ ਭਵਤਿ’ ਅਰਥਾਤ- ‘ਧ੍ਯ’ ਬਦਲ ਜਾਂਦਾ ਹੈ-‘ਝਝੇ’ ਨਾਲ , ਜੈਸੇ ਸੰਸਕ੍ਰਿਤ ਹੈ-ਧ੍ਯਾਨ। ਪ੍ਰਾਕ੍ਰਿਤ ਹੈ ਝਾਣ। ਤਿਵੇਂ ਦੇਸ਼ ਭਾਸ਼ਾ ਵਿਚ ਤੇ ਖਾਸ ਕਰ ਪੰਜਾਬੀ ਵਿਚ ਧਧਾ ਵੀ ਝਝੇ ਨਾਲ ਬਦਲ ਜਾਂਦਾ ਹੈ।

ਸੂਝ ਸਰੋਤ : ਪੰਜਾਬੀ ਕੋਸ਼ ਜਿਲਦ ਪਹਿਲੀ (ੳ ਤੋਂ ਕ)

ਸੂਝ, ਇਸਤਰੀ ਲਿੰਗ : ਸਮਝ, ਵਿਚਾਰ, ਖ਼ਬਰ, ਸੋਝੀ, ਨਜ਼ਰ

–ਸੂਝਵਾਨ, ਪੁਲਿੰਗ : ਸੂਝ ਵਾਲਾ, ਬੁਧੀਮਾਨ ਸਮਝਦਾਰ, ਜਿਸ ਨੂੰ ਗਲ ਚੰਗੀ ਸੁਝਦੀ ਹੋਵੇ, ਸੁਝਦੀ ਵਾਲਾ, ਗਹਿਰੀ ਤਾੜ ਵਾਲਾ