ਗੜ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਗੜ [ਨਾਂਪੁ] ਫੋੜਾ , ਵੱਡਾ ਫੋੜਾ

ਗੜ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਗੜ. ਦੇਖੋ, ਗਢ. “ਹਰਿਚਰਣ ਸਰਣ ਗੜ ਕੋਟਿ ਹਮਾਰੈ.” (ਸੂਹੀ ਮ: ੫) “ਗੜ ਚੜਿਆ ਪਤਸਾਹ ਚੜਾਇਆ.” (ਭਾਗੁ) ਦੇਖੋ, ਗਵਾਲਿਯਰ। ੨ ਘਟਨ. ਘੜਨਾ. “ਲੋਸਟ ਕੋ ਜੜ ਗੜ ਬੋਹਿਥ ਬਨਾਈਅਤ.” (ਭਾਗੁ ਕ) ੩ ਨੇਜ਼ਾ. ਭਾਲਾ. ਦੇਖੋ, ਗਡ. “ਪੱਟਿਸ ਲੋਹਹਥੀ ਪਰਸੰ ਗੜ.” (ਰਾਮਾਵ) ੪ ਫੋੜਾ.

ਗੜ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਗੜ (ਸੰ.। ਸੰਸਕ੍ਰਿਤ ਗਡੑ=ਖਾਈ। ਪੰਜਾਬੀ ਗੜ੍ਹ=ਉਹ ਕਿਲਾ ਜਿਸਦੇ ਗਿਰਦੇ ਖਾਈ ਹੋਵੇ) ਕਿਲ੍ਹਾ ਭਾਵ ਦੇਹੀ। ਯਥਾ-‘ਇਸੁ ਗੜ ਮਹਿ ਹਰਿ ਰਾਮ ਰਾਇ ਹੈ’ ਭਾਵ ਦੇਹ ਵਿਚ ਪਰਮਾਤਮਾ ਹੈ। ਤਥਾ-‘ਗੜਿ ਦੋਹੀ ਪਾਤਸਾਹ ਕੀ’।