ਪਾਤਰੋ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਪਾਤਰੋ. ਸੰਗ੍ਯਾ—ਪਤ੍ਰ ਲੈਜਾਣ ਵਾਲਾ. ਪਤ੍ਰਹਾਰ. ਕਾਸਿਦ. ਦੇਖੋ, ਕੋਸਰੋ. “ਤਬ ਚਤੁਰ ਪਾਤਰੋ ਆਇਓ.” (ਸੋਰ ਮ: ੫) ੨ ਵਿ—ਪਤਲਾ.

ਪਾਤਰੋ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਪਾਤਰੋ (ਸੰ.। ਸੰਸਕ੍ਰਿਤ ਪਤੰ। ਪੁ. ਪੰਜਾਬੀ ਪਾਤਰੋ) ਪਤ੍ਰਕਾ, ਚਿੱਠੀ। ਯਥਾ-‘ਏਕ ਕੋਸਰੋ ਸਿਧਿ ਕਰਤ ਲਾਲੁ ਤਬ ਚਤੁਰ ਪਾਤਰੋ ਆਇਓ’। ਸ੍ਰੀ ਗੁਰੂ ਅਰਜਨ ਦੇਵ ਜੀ ਪਿਤਾ ਜੀ ਤੋਂ ਵਿਛੁੜੇ ਹੋਏ ਸੇ ਤੇ ਚਿਠੀਆਂ ਦਾ ਉਤਰ ਬੀ ਨਹੀਂ ਆਇਆ ਸੀ ਤਦ ਵੈਰਾਗ ਵਿਚ ਕਹਿੰਦੇ ਹਨ ਕਿ ਇਹ ਕੋਹ ਤੁਰਦੇ, ਗੁਰੂ ਜੀ ਕਿਤੇ ਜਾਂਦੇ ਸਨ ਤਦ ਚਾਰ ਚਿਠੀਆਂ ਆਉਂਦੀਆਂ ਸਨ, ਹੁਣ ਕਿਉਂ ਸੰਦੇਸਾ ਨਹੀਂ ਆਉਂਦਾ? ਭਾਵ ਇਉਂ ਬੀ ਕਢੀਦਾ ਹੈ ਕਿ ਇਕ ਕੋਸ਼ (ਅੰਨ, ਪ੍ਰਾਣ , ਮਨ ਬੁਧ , ਆਨੰਦ ਵਿਚੋਂ) ਸਿੱਧ ਕਰਦੇ ਹਾਂ ਤਾਂ ਚਾਰ ਪਰਦੇ ਹੋਰ ਪੈ ਜਾਂਦੇ ਸਨ।