ਆਲਾ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਆਲਾ. ਸੰਗ੍ਯਾ—ਆਲਯ. ਤਾਕ. ਤਾਕੀ। ੨ ਭਾਵ—ਦਸਮਦ੍ਵਾਰ. “ਉਪਰਿ ਹਾਟ, ਹਾਟ ਪਰ ਆਲਾ, ਆਲੇ ਭੀਤਰਿ ਥਾਤੀ.” (ਰਾਮ ਬੇਣੀ) ਸ਼ਰੀਰ ਉੱਪਰ ਸਿਰ ਹੈ, ਸਿਰ ਉੱਪਰ ਦਸ਼ਮਦ੍ਵਾਰ ਹੈ, ਉਸ ਵਿੱਚ ਆਤਮਗ੍ਯਾਨ ਰੂਪ ਥੈਲੀ ਹੈ। ੩ ਮਾਇਆ ਜੋ ਸਾਰੇ ਪ੍ਰਪੰਚ ਦੇ ਨਿਵਾਸ ਦਾ ਆਲਯ (ਘਰ) ਹੈ. “ਆਲਾ ਤੇ ਨਿਵਾਰਣਾ.” (ਧਨਾ ਨਾਮਦੇਵ) ੪ ਅ਼ ਅਅ਼ਲਾ. ਵਿ—ਮੁੱਖ. ਸ਼੍ਰੇ੄਎˜. ਉੱਤਮ. “ਬੰਦਗੀ ਅਲਹ ਆਲਾ ਹੁਜਰਾ.” (ਮਾਰੂ ਸੋਲਹੇ ਮ: ੫) ੫ ਉੱਚਾ. ਬਲੰਦ। ੬ ਆਲਹ. ਸੰਦ. ਔਜ਼ਾਰ. ਹਥਿਆਰ.

ਆਲਾ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਆਲਾ^* (ਗੁ.। ਸੰਸਕ੍ਰਿਤ ਆਲ੍ਯ=ਘਰ) ਘਰ ਭਾਵ ਸੰਸਾਰ। ਯਥਾ- ‘ਆਲਾ ਤੇ ਨਿਵਾਰਣਾ ਜਮ ਕਾਰਣਾ’ ਸੰਸਾਰ ਤੇ ਨਿਵਾਰਣ ਕਰੋ ਜੋ ਜਨਮ ਮਰਣ ਦਾ ਕਾਰਣ ਹੈ।

੨. (ਕ੍ਰਿ.। ਮਰਹਟੀ) ਮੈਂ ਆਯਾ ਹਾਂ।

----------

* ਠੇਠ ਪੰਜਾਬੀ ਵਿਚ ਆਲਾ ਹੁਣ ਤਕ ਜਾਲੇ ਦੇ ਅਰਥ ਵਿਚ ਬੋਲਦੇ ਹਨ।

ਆਲਾ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਆਲਾ (ਗੁ.। ਅ਼ਰਬੀ ਆਅ਼ਲਾ) ਵੜਾ। ਯਥਾ-‘ਆਲਾ ਹੁਜਰਾ’ ਵਡਾ ਕੋਠਾ ।

ਆਲਾ ਸਰੋਤ : ਪੰਜਾਬੀ ਕੋਸ਼ ਜਿਲਦ ਪਹਿਲੀ (ੳ ਤੋਂ ਕ)

ਆਲਾ, ਪੁਲਿੰਗ : ੧. ਕੰਧ ਵਿਚ ਬਣਿਆ ਖੁੱਡਾ ਜਾਂ ਰੱਖਣਾ; ੨. ਖੁੱਡਾ

–ਆਲੀ, ਇਸਤਰੀ ਲਿੰਗ :

–ਆਲੇ, ਕਿਰਿਆ ਵਿਸ਼ੇਸ਼ਣ : ਆਲੇ ਵਿਚ

–ਆਲੇ ਕੋਡੀ ਛਿੱਕੇ ਕੋਡੀ ਕਰਨਾ, ਮੁਹਾਵਰਾ : ਇੱਥੇ ਰੱਖੀ ਸੀ ਔਥੇ ਰੱਖੀ ਸੀ ਕਰ ਛੱਡਣਾ, ਨਾ ਲੱਭਦੀ ਹੋਣ ਦਾ ਬਹਾਨਾ ਕਰਨਾ, ਟਾਲ ਮਟੋਲ ਕਰਨਾ

–ਆਲੇ ਟੋਲੇ ਕਰਨਾ, ਆਲੇ ਟੋਲੇ ਪਾਉਣਾ, ਮੁਹਾਵਰਾ : ਕੁਝ ਹੱਥ ਨਾ ਫੜਾਉਣਾ, ਟਾਲ ਵਾਲ ਛੱਡਣਾ