ਕੁੰਡੀ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਕੁੰਡੀ (ਨਾਂ,ਇ) ਬੂਹਾ ਬੰਦ ਕਰਨ ਦੀ ਸੰਗਲੀ

ਕੁੰਡੀ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਕੁੰਡੀ. ਮੱਛੀ ਫਾਹੁਣ ਦੀ ਹੁੱਕ। ੨ ਦਰਵਾਜ਼ਾ ਅੜਾਉਣ ਦੀ ਛੋਟੀ ਸੰਗੁਲੀ। ੩ ਕੁੰਟੀਂ. ਦਿਸ਼ਾਓਂ ਮੇਂ. “ਚਹੁ ਕੁੰਡੀ ਚਹੁ ਜੁਗ ਜਾਤੇ.” (ਬਿਹਾ ਛੰਤ ਮ: ੪) ੪ ਡਿੰਗ. ਘੋੜਾ. ਬਾਂਕੀ ਚਾਲ ਵੇਲੇ ਅਗਲੇ ਪੈਰਾਂ ਨੂੰ ਕੁੰਡਲ ਜੇਹੇ ਕਰਨ ਤੋਂ ਇਹ ਨਾਉਂ ਹੈ.

ਕੁੰਡੀ ਸਰੋਤ : ਪੰਜਾਬੀ ਕੋਸ਼ ਜਿਲਦ ਪਹਿਲੀ (ੳ ਤੋਂ ਕ)

ਕੁੰਡੀ, (ਕੁੰਡ<ਸੰਸਕ੍ਰਿਤ : कुण्डल+ਈ)\ ਇਸਤਰੀ ਲਿੰਗ : ਮੱਛੀਆਂ ਫੜਨ ਵਾਲੀ ਮੁੜੀ ਹੋਈ ਲੋਹੇ ਦੀ ਹੁਕ

ਕੁੰਡੀ ਸਰੋਤ : ਪੰਜਾਬੀ ਕੋਸ਼ ਜਿਲਦ ਪਹਿਲੀ (ੳ ਤੋਂ ਕ)

ਕੁੰਡੀ, (ਸੰਸਕ੍ਰਿਤ : कुण्डल) \ ਇਸਤਰੀ ਲਿੰਗ : ੧. ਦਰਵਾਜ਼ੇ ਦੀ ਸੰਗਲੀ, ਛੋਟਾ ਕੁੰਡਾ (ਲਾਗੂ ਕਿਰਿਆ : ਖੜਕਾਉਣਾ, ਦੇਣਾ, ਮਾਰਨਾ, ਲਾਉਣਾ); ੨. ਕਿਸੇ ਧਾਤ ਜਾਂ ਕਿੱਲ ਦਾ ਮੋੜ ਕੇ ਬਣਾਇਆ ਹੋਇਆ ਕੁੰਡਾ ਜੇਹਾ ਜੋ ਕੱਪੜੇ ਜਾਂ ਹੋਰ ਚੀਜ਼ਾਂ ਟੰਗਣ ਲਈ ਵਰਤਿਆ ਜਾਂਦਾ ਹੈ; ੩. ਵੇਲਾਂ ਅਤੇ ਰੁੱਖ ਦੇ ਫਲ ਆਦਿ ਤੋੜਨ ਦਾ ਔਜ਼ਾਰ, ਵਲਦਾਰ ਖੂੰਡੀ; ੪. (ਲਹਿੰਦੀ) ਮੁੜੇ ਹੋਏ ਸਿੰਗਾਂ ਵਾਲੀ (ਮੱਝ); ੫. ਮੋਚੀ ਦਾ ਸੀਉਣ ਅਤੇ ਤਿੱਲੇ ਜੜਾਉਣ ਵਾਲਾ ਇੱਕ ਨੋਕਦਾਰ ਸੰਦ; ੬. (ਲਹਿੰਦੀ) \ ਇਸਤਰੀ ਲਿੰਗ : ਢੋਲ ਵਜਾਉਣ ਲਈ ਮੁੜੀ ਹੋਈ ਲੱਕੜੀ

–ਕੁੰਡੀ ਸੀਖ, ਕੁੰਡੀ ਸੀਂਖ,  ਇਸਤਰੀ ਲਿੰਗ : ਕੁੰਡੀ ਤੇ ਸੀਖ ਜਿਨ੍ਹਾਂ ਨਾਲ ਤੰਦੂਰ ਵਿਚੋਂ ਰੋਟੀਆਂ ਲਾਹੁੰਦੇ ਤੇ ਕੱਢਦੇ ਹਨ

–ਕੁੰਡੀ ਲੱਗਣਾ,  ਮੁਹਾਵਰਾ :  ਫਸ ਜਾਣਾ : ‘ਉਸ ਨੂੰ ਕੁੰਡੀ ਲੱਗੀ ਮੱਛ ਜਿਉਂ ਮਿਰਜ਼ਾ ਛੋੜ ਗਿਆ ਉਸ ਟੰਗ’ (ਹਾਫਜ਼ ਬਰਖੂਰਦਾਰ ਮਿਰਜ਼ਾ ਸਾਹਿਬਾਂ )

–ਕੁੰਡੀ ਵੱਜਣਾ, ਮੁਹਾਵਰਾ : ਦਰਵਾਜ਼ੇ ਦਾ ਬੰਦ ਹੋ ਜਾਣਾ, ਬੂਹਾ ਭੇੜਿਆ ਜਾਣਾ