ਗੰਡ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਗੰਡ (ਨਾਂ,ਪੁ) 1 ਚੱਕੀ ਜਾਂ ਖਰਾਸ ਦੇ ਪੁੜਾਂ ਦੁਆਰਾ ਪੀਸੇ ਹੋਏ ਆਟੇ ਦੇ ਡਿੱਗਣ ਵਾਲੀ ਥਾਂ 2 ਰਹੁ ਕਾੜ੍ਹ ਕੇ ਬਣਾਏ ਸੀਰੇ ਨੂੰ ਠੰਡਾ ਕਰਨ ਲਈ ਬਣਾਈ ਲੱਕੜ ਦੀ ਪਰਾਤ

ਗੰਡ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਗੰਡ [ਨਾਂਪੁ] ਗੱਲ੍ਹ, ਰੁਖ਼ਸਾਰ; ਗੱਲ੍ਹ ਅਤੇ ਕੰਨ ਦੇ ਵਿਚਕਾਰਲੀ ਥਾਂ, ਕਨਪਟੀ; ਖੂਹ ਦਾ ਚੱਕ; ਗੁੜ ਦੀ ਪੱਤ ਠੰਡੀ ਕਰਨ ਲਈ ਲੱਕੜ ਦਾ ਢਾਂਚਾ

ਗੰਡ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਗੰਡ. ਸੰ. गण्ड. ਸੰਗ੍ਯਾ—ਕਪੋਲ. ਗਲ੍ਹ। ੨ ਕਨਪਟੀ. ਗਲ੍ਹ ਅਤੇ ਕੰਨ ਦੇ ਵਿਚਕਾਰਲਾ ਥਾਂ. “ਦਾਨ ਗਜਗੰਡ ਮਹਿ ਸੋਭਤ ਅਪਾਰ ਹੈ.” (ਨਾਪ੍ਰ) ੩ ਗੋਲ ਘੇਰਾ । ੪ ਚੱਕੀ ਦਾ ਉਹ ਗੋਲ ਘੇਰਾ, ਜਿਸ ਵਿੱਚ ਆਟਾ ਅਟਕਿਆ ਰਹਿੰਦਾ ਹੈ। ੫ ਗੈਂਡਾ। ੬ ਫੋੜਾ । ੭ ਗੱਠ. ਗਾਂਠ। ੮ ਖੂਹ ਦਾ ਚੱਕ । ੯ ਮਿੱਟੀ , ਚੂਨੇ ਜਾਂ ਕਾਠ ਦਾ ਵਡਾ ਗੋਲ ਭਾਂਡਾ , ਜੋ ਥਾਲ ਦੀ ਸ਼ਕਲ ਦਾ ਹੁੰਦਾ ਹੈ, ਇਸ ਵਿੱਚ ਪੱਕੀ ਹੋਈ ਇੱਖ ਦੇ ਰਸ ਦੀ ਚਾਸਣੀ ਪਾਕੇ ਗੁੜ ਅਤੇ ਸ਼ੱਕਰ ਬਣਾਉਂਦੇ ਹਨ. ਚੱਕ.