ਪੇਸ਼ੀ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਪੇਸ਼ੀ [ਨਾਂਇ] ਹਾਜ਼ਰ ਹੋਣ ਦਾ ਭਾਵ (ਅਦਾਲਤ ਆਦਿ ਵਿੱਚ)

ਪੇਸ਼ੀ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਪੇਸ਼ੀ. ਦੇਖੋ, ਪੇਸ਼ਿ। ੨ ਫ਼ਾ ਹਾਕਿਮ ਦੇ ਸਾਮ੍ਹਣੇ ਪੇਸ਼ ਹੋਣ ਦੀ ਕ੍ਰਿਯਾ। ੩ ਸੰ. ਵਜ੍ਰ। ੪ ਮਾਹਾਂ ਦੀ ਦਾਲ। ੫ ਤਲਵਾਰ ਦਾ ਮਿਆਨ । ੬ ਢੋਲ.

ਪੇਸ਼ੀ ਸਰੋਤ : ਕਾਨੂੰਨੀ ਵਿਸ਼ਾ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

Appearance_ਪੇਸ਼ੀ: ਪੇਸ਼ੀ ਦਾ ਮੋਟਾ ਅਰਥ ਕਿਸੇ ਕਾਰਵਾਈ ਦੀਆਂ ਧਿਰਾਂ ਦਾ ਮੁਕੱਦਮੇ ਦੀ ਸੁਣਵਾਈ ਸਮੇਂ ਅਦਾਲਤ ਅੱਗੇ ਹਾਜ਼ਰ ਹੋਣਾ ਹੈ। ਧਿਰਾਂ ਖ਼ੁਦ ਜਾ ਆਪਣੇ ਵਕੀਲ ਰਾਹੀਂ ਪੇਸ਼ ਹੋ ਸਕਦੀਆਂ ਹਨ। ਪੇਸ਼ ਹੋਣ ਦਾ ਮਤਲਬ ਮੁਕੱਦਮੇ ਦੀ ਸੁਣਵਾਈ ਸਮੇਂ ਹਾਜ਼ਰ ਹੋਣਾ ਅਤੇ ਉਸ ਦੀ ਪੈਰਵੀ ਕਰਨਾ ਹੈ। ਜੇ ਕੋਈ ਧਿਰ ਅਦਾਲਤ ਦੀਆਂ ਹਦੂਦ ਅੰਦਰ ਹਾਜ਼ਰ ਹੋਵੇ ਪਰ ਮੁਕੱਦਮੇ ਦੀ ਸੁਣਵਾਈ ਸਮੇਂ ਪੈਰਵੀ ਨ ਕਰੇ ਤਾਂ ਉਸ ਨੂੰ ਪੇਸ਼ ਹੋਈ ਧਿਰ ਵਿਚ ਨਹੀਂ ਗਿਣਿਆ ਜਾ ਸਕਦਾ। ਮੁਕੱਦਮੇ ਦੇ ਪ੍ਰਯੋਜਨ ਲਈ ਉਸ ਨੂੰ ਗ਼ੈਰ-ਹਾਜ਼ਰ ਸਮਝਿਆ ਜਾਂਦਾ ਹੈ।