ਪੱਠੇ ਸਰੋਤ : ਹੱਡੀਆਂ ਅਤੇ ਜੋੜਾਂ ਦੀਆਂ ਸੱਟਾਂ ਅਤੇ ਇਲਾਜ, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਪੱਠੇ Muscles

ਹੱਡੀਆਂ ਅਕਸਰ ਪੱਠਿਆਂ ( Muscles ) ਜਾਂ ਮਾਸ ਪੇਸ਼ੀਆਂ ਨਾਲ ਢੱਕੀਆਂ ਰਹਿੰਦੀਆਂ ਹਨ । ਪੱਠੇ ਇੱਕ ਹੱਡੀ ਤੋਂ ਉਠਦੇ ਹਨ ( Origin ) ਅਤੇ ਦੂਜੀ ਹੱਡੀ ਵਿੱਚ ਅਸਤ੍ਰ ( insert ) ਹੁੰਦੇ ਹਨ । ਇਹ ਹੱਡੀਆਂ ਨਾਲ ਚਿੰਬੜੇ ਰਹਿੰਦੇ ਹਨ । ਕਿਤੇ ਕਿਤੇ ਸਿਰਿਆਂ ਤੇ ਇਹ ਪਤਲੇ ਚਿੱਟੇ ਡੋਰਿਆਂ ਵਾਂਗ ਹੋ ਜਾਂਦੇ ਹਨ ਇਨ੍ਹਾਂ ਨੂੰ ਸੂਤਰਕ ਡੋਰੇ ਜਾ ਕੰਡਰ ( Tendons ) ਆਖਦੇ ਹਨ । ਪਠਿਆਂ ਦਾ ਮੁਖ ਗੁਣ ਸੁੰਗੜਨਾ ਅਤੇ ਢਿੱਲਾ ਹੋਣਾ ਹੈ । ਇਸ ਗੁਣ ਕਾਰਣ ਇਹ ਇੱਕ ਹੱਡੀ ਨੂੰ ਦੂਸਰੀ ਹੱਡੀ ਵੱਲ ਖਿਚਦੇ ਹਨ ਅਤੇ ਜੋੜਾਂ ਵਿੱਚ ਹਰਕਤ ਹੁੰਦੀ ਹੈ । ਦਿਲ ਇਕ ਖਾਸ ਕਿਸਮ ਦੇ ਪਠਿਆਂ ਦਾ ਬਣਿਆ ਹੁੰਦਾ ਹੈ ਇਹ ਕਿਸੇ ਹੱਡੀ ਨਾਲ ਨਹੀਂ ਜੁੜਿਆ ਹੁੰਦਾ । ਇਸ ਵਿੱਚੋਂ ਖੂਨ ਦੀਆਂ ਨਾਲਾ ਨਿਕਲਦੀਆਂ ਹਨ ਅਤੇ ਇਸ ਦੇ ਸੁੰਗੜਨ ਅਤੇ ਢਿਲਕਣ ਨਾਲ ਦਿਲ ਧੜਕਦਾ ਹੈ ਅਤੇ ਖੂਨ ਸਰੀਰ ਵਿੱਚ ਦੌਰਾ ਕਰਦਾ ਹੈ ।


ਲੇਖਕ : ਰਵਿੰਦਰ ਸਿੰਘ,
ਸਰੋਤ : ਹੱਡੀਆਂ ਅਤੇ ਜੋੜਾਂ ਦੀਆਂ ਸੱਟਾਂ ਅਤੇ ਇਲਾਜ, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।, ਹੁਣ ਤੱਕ ਵੇਖਿਆ ਗਿਆ : 5081, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2014-02-18, ਹਵਾਲੇ/ਟਿੱਪਣੀਆਂ: no

ਵਿਚਾਰ / ਸੁਝਾਅ



Please Login First


    © 2017 ਪੰਜਾਬੀ ਯੂਨੀਵਰਸਿਟੀ,ਪਟਿਆਲਾ.