ਕਾਨੇ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਕਾਨੇ. ਕਾਨਾ ਦਾ ਬਹੁਵਚਨ. ਦੇਖੋ, ਕਾਨਾ ੩। ੨ ਸਰਵ—ਕਿਸੇ. ਕਿਸ ਨੂੰ. “ਕਹੋਂ ਔਰ ਕਾਨੇ?” (ਰਾਮਾਵ) ੩ ਕਿਸ ਨੇ.

ਕਾਨੇ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਕਾਨੇ (ਗੁ.। ਸੰਸਕ੍ਰਿਤ ਕਾਣ। ਪੰਜਾਬੀ ਕਾਣਾ) ੧. ਕਾਣੇ, ਇਕ ਅੱਖੇ। ਯਥਾ-‘ਅਵਰਨ ਹਸਤ ਆਪ ਹਹਿ ਕਾਂਨੇ ’ ਭਾਵ ਆਪ ਕਸੂਰੀ ਹਨ ਪਰ ਲੋਕਾਂ ਨੂੰ ਹਸਦੇ ਹਨ, ਆਪਣੇ ਪਾਪਾਂ ਵਲ ਨਹੀਂ ਵੇਖਦੇ ਤੇ ਲੋਕਾਂ ਦੇ ਪਾਪ ਵੇਖਦੇ ਹਨ।

ਕਾਨੇ ਸਰੋਤ : ਪੰਜਾਬੀ ਕੋਸ਼ ਜਿਲਦ ਪਹਿਲੀ (ੳ ਤੋਂ ਕ)

ਕਾਨੇ, (ਬ੍ਰਿਜ) \ (ਕਾ<ਸੰਸਕ੍ਰਿਤ : क:  किम +ਨੇ) \ ਪੜਨਾਂਵ : ਕਾ ਨੇ, ਕਿਸੇ ਨੂੰ, ਕਿਸ ਨੇ: ‘ਕਹੋਂ ਕਾਨੇ’

(ਦਸਮ : ਗ੍ਰੰਥ)