ਪਹੁ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਪਹੁ. ਦੇਖੋ, ਪਹ ੧। ੨ ਵ੍ਯ—ਕੋਲੋਂ. ਪਾਸੋਂ. “ਕਿਥਹੁ ਹਰਿ ਪਹੁ ਨਸੀਐ?” (ਗਉ ਮ: ੪)

ਪਹੁ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਪਹੁ (ਅ.। ਪਹਿ ਦਾ ਦੂਜਾ ਰੂਪ। ਦੇਖੋ , ਪਹਿ) ੧. ਪਾਸੋਂ। ਯਥਾ-‘ਕਿਥੈ ਹਰਿ ਪਹੁ ਨਸੀਐ’। ਹਰੀ ਪ੍ਰਮਾਤਮਾ ਦੇ ਪਾਸੋਂ ਕਿਸ ਥਾਂ ਨਸ ਕੇ ਜਾਏਂਗਾ।

੨. (ਸੰਸਕ੍ਰਿਤ ਪਾਦ=ਚਾਨਣ ਦੀ ਕਿਰਨ। ਪ੍ਰਾਕ੍ਰਿਤ ਪਾਯ। ਪੰਜਾਬੀ ਪਹੁ। ਹਿੰਦੀ ਪਉਂ) ਚਾਨਣ ਦੀ ਲੀਕ , ਰਿਸ਼ਮ, ਕਿਰਨ, ਉਸ਼ਾ। ਪਹ ਫੁਟਣਾ ਮੁਹਾਵਰਾ ਹੈ, ਸਵੇਰ ਦਾ ਚਾਨਣਾ ਪੈਣਾ। ਯਥਾ-‘ਚਿੜੀ ਚਹੁਕੀ ਪਹੁ ਫੁਟੀ ਵਗਨਿ ਬਹੁਤੁ ਤਰੰਗ ’।