ਪੁਤਰੀ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਪੁਤਰੀ  ਸੰ. ਪੁੱਤਲ ਅਤੇ ਪੁੱਤਲਿਕਾ. ਸੰਗ੍ਯਾ—ਗੁੱਡੀ. ਪੁਤਲੀ । ੨ ਭਾਵ—ਸ਼ਰੀਰ. “ਮਾਟੀ ਕੋ ਪੁਤਰਾ ਕੈਸੇ ਨਚਤ ਹੈ!” (ਆਸਾ ਕਬੀਰ) “ਪੰਚ ਤਤੁ ਕਰਿ ਪੁਤਰਾ ਕੀਨਾ.” (ਰਾਮ ਮ: ੫) “ਪੁਤਰੀ ਤੇਰੀ ਬਿਧਿਕਰਿ ਥਾਟੀ.” (ਆਸਾ ਮ: ੫) ੩ ਅੱਖ ਦੀ ਧੀਰੀ (pupil). “ਨੈਨਨ ਕੀ ਪੁਤਰੀ ਦੋਊ ਹਾਰੀ.” (ਕ੍ਰਿਸਨਾਵ)

ਪੁਤਰੀ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਪੁਤਰੀ (ਸੰ.। ਸੰਸਕ੍ਰਿਤ ਪੁਤ੍ਤਲ:) ਮੂਰਤ, ਪੁਤਲੀ , ਦੇਹੀ। ਯਥਾ-‘ਪੁਤਰੀ ਤੇਰੀ ਬਿਧਿ ਕਰਿ ਥਾਟੀ’। ਤੇਰੀ ਦੇਹ (ਬਿਧਿ) ਬ੍ਰਹਮਾ ਨੇ ਰਚੀ। ਅਥਵਾ ੨. ਤੇਰੀ ਦੇਹ ਜੁਗਤ ਨਾਲ ਰਚੀ ਗਈ ਹੈ।