ਪੁਤ੍ਰੀ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਪੁਤ੍ਰੀ. ਸੰਗ੍ਯਾ—ਬੇਟੀ. ਸੁਤਾ. “ਸਾਈ ਪੁਤ੍ਰੀ ਜਜਮਾਨ ਕੀ.” (ਆਸਾ ਪਟੀ ਮ: ੩) ਪੁੱਤਲਿਕਾ. ਪੁਤਲੀ. “ਕਿ ਸੋਵਰਣ ਪੁਤ੍ਰੀ.” (ਦੱਤਾਵ) ਮਾਨੋ ਸੋਨੇ ਦੀ ਪੁਤਲੀ ਹੈ। ੩ ਅੱਖ ਦੀ ਧੀਰੀ। ੪ ਪੁਤ੍ਰੀਂ. ਪੁਤ੍ਰਾਂ ਨੇ. “ਪੁਤ੍ਰੀ ਕਉਲੁ ਨ ਪਾਲਿਓ.” (ਵਾਰ ਰਾਮ ੩)

ਪੁਤ੍ਰੀ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਪੁਤ੍ਰੀ (ਸੰ.। ਸੰਸਕ੍ਰਿਤ ਪੁਤ੍ਰ। ਈ ਪੰਜਾਬੀ ਪ੍ਰਤੇ) ੧. ਪੁਤ੍ਰਾਂ ਨੇ। ਯਥਾ-‘ਪੁਤ੍ਰੀ ਕਉਲੁ ਨ ਪਾਲਿਓ’। ੨. (ਸੰ.। ਸੰਸਕ੍ਰਿਤ ਪੁਤ੍ਰੀ= ਬੇਟੀ) ਧੀ , ਬੇਟੀ। ਯਥਾ-‘ਸਾਈ ਪੁਤ੍ਰੀ ਜਜਮਾਨ ਕੀ’।

੩. (ਸੰਬੋ.) ਹੇ ਪੁਤ੍ਰੀਓ! ਯਥਾ-‘ਗਾਛਹੁ ਪੁਤ੍ਰੀ ਰਾਜ ਕੁਆਰਿ’।