ਪੋਤਾ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਪੋਤਾ.ਸੰਗ੍ਯਾ—ਫ਼ਾ  ਪੋਤਹ. ਖ਼ਜ਼ਾਨਾ. “ਦਇਆ ਕਾ ਪੋਤਾ.” (ਰਾਮ ਮ: ੫) “ਖੋਟੇ ਪੋਤੇ ਨ ਪਵਹਿ.” (ਸ੍ਰੀ ਮ: ੧) ੨ ਸੰ. ਪੋਤ. ਜਹਾਜ. “ਪ੍ਰਾਪਤਿ ਪੋਤਾ ਕਰਮ ਪਸਾਉ.” (ਰਾਮ ਮ: ੧) ੩ ਸੰ. ਪੌਤ੍ਰ. ਪੁਤ੍ਰ ਦਾ ਪੁਤ੍ਰ. “ਪਿਯੂ ਦਾਦੇ ਜੇਵੇਹਿਆ ਪੋਤਾ ਪਰਵਾਣੁ.” (ਵਾਰ ਰਾਮ ੩)

ਜੇ ਸ਼ਰਣਾਗਤ ਕੇ ਪ੍ਰਤਿਪਾਲਕ

ਭੌਜਲ ਤਾਰਨ ਕੋ ਪਦ ਪੋਤਾ,

ਵਾਕ ਬਲੀ ਸ਼ਿਕਰੇ ਸਮ ਜੋ ਹੁਇ

ਦੋ੄ ਨਸੈਂ ਸਮੁਦਾਯ ਕਪੋਤਾ,

ਸੇਵਕ ਕੇ ਪ੍ਰਿਯ ਦੇਵਨਦੇਵ

ਅਭੇਵ ਸਦਾ ਗੁਨ ਗ੍ਯਾਨਹਿ ਪੋਤਾ,

                    ਸੋ ਅਬ ਜਾਹਰ ਰੂਪ ਅਨੂਪ

                   ਭਯੋ ਗੁਰੁ ਸ੍ਰੀ ਹਰਿਗੋਬਿਦ ਪੋਤਾ.

                                                                                                                             (ਗੁਪ੍ਰਸੂ)