ਅਟੇਰਨ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਅਟੇਰਨ ( ਨਾਂ , ਪੁ ) ਹੱਥ ਦੀ ਅਰਧ ਘੁਮਾਓ ਜੁਗਤ ਨਾਲ ਚਰਖੇ ’ ਤੇ ਕੱਤੀਆਂ ਸੂਤ ਦੀਆਂ ਛੱਲੀਆਂ ( ਮੁਢਿਆਂ ) ਤੋਂ ਅੱਟੀਆਂ ਬਣਾਉਣ ਲਈ ਵਰਤੀਂਦਾ ਨਿੱਕਾ ਹਲਕਾ ਲੱਕੜੀ ਦਾ ਢਾਂਚਾ


ਲੇਖਕ : ਕਿਰਪਾਲ ਕਜ਼ਾਕ (ਪ੍ਰੋ.),
ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।, ਹੁਣ ਤੱਕ ਵੇਖਿਆ ਗਿਆ : 2349, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2014-01-24, ਹਵਾਲੇ/ਟਿੱਪਣੀਆਂ: no

ਅਟੇਰਨ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਅਟੇਰਨ [ ਨਾਂਪੁ ] ਗਲੋਟਿਆਂ ਤੋਂ ਅੱਟੀਆਂ ਬਣਾਉਣ ਲਈ ਵਰਤਿਆ ਜਾਣ ਵਾਲ਼ਾ ਸੰਦ


ਲੇਖਕ : ਡਾ. ਜੋਗਾ ਸਿੰਘ (ਸੰਪ.),
ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।, ਹੁਣ ਤੱਕ ਵੇਖਿਆ ਗਿਆ : 2335, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2014-02-24, ਹਵਾਲੇ/ਟਿੱਪਣੀਆਂ: no

ਅਟੇਰਨ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਅਟੇਰਨ. ਸੰਗ੍ਯਾ— ਅਟਨ ਕਰਨ ਵਾਲਾ ਯੰਤ੍ਰ. ਘੁੰਮਣ ਵਾਲਾ ਯੰਤ੍ਰ. ਡੌਰੂ ਦੀ ਸ਼ਕਲ ਦਾ ਇੱਕ ਯੰਤ੍ਰ , ਜਿਸ ਉੱਪਰ ਸੂਤ ਦੀ ਅੱਟੀ ਬਣਾਈ ਜਾਂਦੀ ਹੈ. “ ਪੁਨਹਿ ਅਟੇਰਨ ਕੀ ਬਿਧਿ ਪ੍ਰੇਰਨ.” ( ਗੁਪ੍ਰਸੂ ) ੨ ਮੱਕੜੀ ਦੀ ਕਿਸਮ ਦਾ ਇੱਕ ਜੀਵ , ਜਿਸ ਨੂੰ ਕਾਹਣਾ ਆਖਦੇ ਹਨ. ਦੇਖੋ , ਅਟੇਰੂ । ੩ ਸੂਤ ਅਟੇਰਨ ਦੀ ਕ੍ਰਿਯਾ. “ ਸਹਿਤ ਪ੍ਰੀਤਿ ਕੇ ਕਰਹਿ ਅਟੇਰਨ.” ( ਗੁਪ੍ਰਸੂ )


ਲੇਖਕ : ਭਾਈ ਕਾਨ੍ਹ ਸਿੰਘ ਨਾਭਾ,
ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।, ਹੁਣ ਤੱਕ ਵੇਖਿਆ ਗਿਆ : 2308, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2014-08-05, ਹਵਾਲੇ/ਟਿੱਪਣੀਆਂ: no

ਅਟੇਰਨ ਸਰੋਤ : ਪੰਜਾਬੀ ਵਿਸ਼ਵ ਕੋਸ਼–ਜਿਲਦ ਪਹਿਲੀ, ਭਾਸ਼ਾ ਵਿਭਾਗ ਪੰਜਾਬ

ਅਟੇਰਨ : ਸੂਤ-ਅਟੇਰਨ– – ਇਹ ਲਕੜੀ ਦਾ ਇਕ ਢਾਂਚਾ ਹੁੰਦਾ ਹੈ , ਜਿਸ ਉਤੇ ਸੂਤ ਦੀ ਛੱਲੀ ਦੇ ਧਾਗੇ ਨੂੰ ਵਲ ਕੇ ਅੱਟੀ ਬਣਾਈ ਜਾਂਦੀ ਹੈ ।

ਅਟੇਰਨ-ਇਕ ਖੇਡ– – ਇਹ ਇਕ ਖੇਡ ਹੈ ਜਿਸ ਦੀ ਬਸਾਤ ਸੂਤ ਬਣਾਉਣ ਵਾਲੇ ਅਟੇਰਨ ਦੀ ਸ਼ਕਲ ਦੀ ਹੁੰਦੀ ਹੈ । ਇਸ ਨੂੰ ਇਕ ਸਮੇਂ ਦੋ ਖਿਡਾਰੀ ਖੇਡ ਸਕਦੇ ਹਨ । ਹਰੇਕ ਦੀਆਂ ਨੌਂ ਨੌਂ ਨਰਦਾਂ ਹੁੰਦੀਆਂ ਹਨ । ਕੇਂਦਰੀ ਘਰ ਵਿਚ ਕੋਈ ਨਰਦ ਨਹੀਂ ਹੁੰਦੀ । ਬਾਕੀ ਘਰ ਦੋਹਾਂ ਖਿਡਾਰੀਆਂ ਦੀਆਂ ਨਰਦਾ ਨੇ ਮੱਲੇ ਹੋਏ ਹੁੰਦੇ ਹਨ । ਪਹਿਲੀ ਚਾਲ ਕਿਸੇ ਇਕ ਖਿਡਾਰੀ ਦੇ ਆਪਣੀ ਨਰਦ ਨੂੰ ਕੇਂਦਰ ਵਾਲੇ ਘਰ ਵਿਚ ਟਿਕਾਉਣ ਨਾਲ ਸ਼ੁਰੂ ਹੁੰਦੀ ਹੈ ਜਿਸ ਨੂੰ ਦੂਜਾ

ਖਿਡਾਰੀ ਉਲੰਘ ਕੇ ਮਾਰ ਲੈਂਦਾ ਹੈ । ਜਿਸ ਨਰਦ ਤੋਂ ਕੋਈ ਵਿਰੋਧੀ ਨਰਦ ਉਲੰਘ ਜਾਏ , ਉਹ ਮਰ ਗਈ ਸਮਝੀ ਜਾਂਦੀ ਹੈ । ਵਿਰੋਧੀ ਨਰਦ ਉਲੰਘ ਕੇ ਟਿਕਣ ਲਈ ਅਗੋਂ ਕਿਸੇ ਘਰ ਦਾ ਉਸ ਲਈ ਖ਼ਾਲੀ ਹੋਣਾ ਜ਼ਰੂਰੀ ਹੈ । ਜਿਸ ਦੀਆਂ ਸਾਰੀਆਂ ਨਰਦਾਂ ਮਰ ਜਾਣ , ਉਹ ਹਾਰ ਜਾਂਦਾ ਹੈ ।


ਲੇਖਕ : ਪਿਆਰ ਸਿੰਘ,
ਸਰੋਤ : ਪੰਜਾਬੀ ਵਿਸ਼ਵ ਕੋਸ਼–ਜਿਲਦ ਪਹਿਲੀ, ਭਾਸ਼ਾ ਵਿਭਾਗ ਪੰਜਾਬ, ਹੁਣ ਤੱਕ ਵੇਖਿਆ ਗਿਆ : 950, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2015-07-16, ਹਵਾਲੇ/ਟਿੱਪਣੀਆਂ: no

ਵਿਚਾਰ / ਸੁਝਾਅ



Please Login First


    © 2017 ਪੰਜਾਬੀ ਯੂਨੀਵਰਸਿਟੀ,ਪਟਿਆਲਾ.