ਅਧਿਕਾਰ-ਪੱਤਰ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਅਧਿਕਾਰ - ਪੱਤਰ [ ਨਾਂਪੁ ] ਕਿਸੇ ਅਧਿਕਾਰ ਦੀ ਪ੍ਰਾਪਤੀ ਲਈ ਜਾਰੀ ਹੋਇਆ ਪੱਤਰ , ਅਥਾਰਟੀ ਲੈਟਰ


ਲੇਖਕ : ਡਾ. ਜੋਗਾ ਸਿੰਘ (ਸੰਪ.),
ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।, ਹੁਣ ਤੱਕ ਵੇਖਿਆ ਗਿਆ : 1033, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2014-02-24, ਹਵਾਲੇ/ਟਿੱਪਣੀਆਂ: no

ਅਧਿਕਾਰ-ਪੱਤਰ ਸਰੋਤ : ਕਾਨੂੰਨੀ ਵਿਸ਼ਾ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

Bill of rights _ ਅਧਿਕਾਰ - ਪੱਤਰ : ਅੰਗਰੇਜ਼ੀ ਸੰਵਿਧਾਨਕ ਕਾਨੂੰਨ ਵਿਚ 1689 ਦਾ ਫ਼ੈਸਲਾ ਅਥਵਾ ਰਾਜ਼ੀਨਾਮਾ ।

            ਇਹ ਅੰਗਰੇਜ਼ੀ ਸੁਤੰਤਰਤਾ ਦੇ ਚਾਰ ਚਾਰਟਰਾਂ ਵਿਚੋਂ ਇਕ ਅਹਿਮ ਚਾਰਟਰ ਹੈ , ਜਿਸ ਵਿਚ ਮੈਗਨਾ ਕਾਰਟਾ , ਦ ਪਟੀਸ਼ਨ ਆਫ਼ ਰਾਈਟਸ ( 1628 ) ਅਤੇ ਹੇਬੀਅਸ ਕਰੋਪਸ ਐਕਟ ( 1629 ) ਦੇ ਸਿਧਾਂਤਾਂ ਨੂੰ ਪ੍ਰਵਿਧਾਨਕ ਰੂਪ ਵਿਚ ਬਿਆਨ ਕੀਤਾ ਗਿਆ ਹੈ ।

            ਇੰਗਲੈਂਡ ਵਿਚ ਹਾਊਸ ਔਫ਼ ਲਾਰਡਜ਼ ਅਤੇ ਕਾਮਨਜ਼ ਦੁਆਰਾ ਪ੍ਰਿੰਸ ਅਤੇ ਪ੍ਰਿੰਸੈਸ ਔਫ਼ ਔਰੇਂਜ ਨੂੰ ਦਿੱਤਾ ਗਿਆ ਐਲਾਨਨਾਮਾ । ਸੰਨ 1688 ਵਿਚ ਇਸ ਨੂੰ ਐਕਟ ਦਾ ਰੂਪ ਦਿੱਤਾ ਗਿਆ । ਸਟੂਅਰਟ ਖ਼ਾਨਦਾਨ ਦੇ ਅਣਸੰਵਿਧਾਨਕ ਅਤੇ ਗ਼ੈਰ-ਕਾਨੂੰਨੀ ਕੰਮਾਂ ਦਾ ਜ਼ਿਕਰ ਕਰਨ ਉਪਰੰਤ ਇਸ ਦੁਆਰਾ ਕਾਨੂੰਨ ਬਣਾਇਆ ਗਿਆ ਕਿ : -

( i )       ਮੁਅਤਲੀ ਦਾ ਅਧਿਕਾਰ ਜਦ ਕਰਾਉਨ ਦੁਆਰ ਪਾਰਲੀਮੈਂਟ ਦੀ ਅਨੁਮਤੀ ਤੋਂ ਬਿਨਾਂ ਵਰਤਿਆ ਜਾਵੇ ਤਾਂ ਗ਼ੈਰ-ਕਾਨੂੰਨੀ ਹੋਵੇਗਾ;

( ii )       ਜਿਵੇਂ ਪਹਿਲਾਂ ਨਿਆਂ ਦੇਣ ਦੀ ਸ਼ਕਤੀ ਸੀ ਉਹ ਗ਼ੈਰ ਕਾਨੂੰਨੀ ਹੋਵੇਗਾ;

( iii )     ਫ਼ਰਮਾਨ ਦੁਆਰਾ ਧਨ ਦੀ ਉਗਰਾਹੀ ਨਹੀਂ ਕੀਤੀ ਜਾਵੇਗੀ;

( iv )     ਰਿਆਇਆ ਨੂੰ ਕਰਾਊਨ ਅੱਗੇ ਅਰਜ਼ੀ ਦੇਣ ਦਾ ਅਧਿਕਾਰ ਹੋਵੇਗਾ ਅਤੇ ਇਸ ਤਰ੍ਹਾਂ ਅਰਜ਼ੀ ਦੇਣ ਲਈ ਸਭ ਕੁਮਿਟਮੈਟਸ ਗ਼ੈਰ-ਕਾਨੂੰਨੀ ਹੋਣਗੀਆਂ;

( v )     ਸੰਸਦ ਦੀ ਅਨੁਮਤੀ ਤੋਂ ਬਿਨਾਂ ਅਮਨ ਚੈਨ ਦੇ ਦੌਰਾਨ ਸਥਾਈ ਫ਼ੌਜ ਖੜੀਕਰਨਾ ਜਾਂ ਕਾਇਮ ਰਖਣਾ ਗ਼ੈਰ ਕਾਨੂੰਨੀ ਹੋਵੇਗਾ;

( vi )     ਸੰਸਦ ਵਿਚ ਭਾਸ਼ਣ ਦੀ ਆਜ਼ਾਦੀ ਹੋਵੇਗੀ;

( vii )   ਵੱਡੀ ਜ਼ਮਾਨਤ ਨ ਮੰਗੀ ਜਾਵੇ ਅਤੇ ਬਹੁਤ ਜ਼ਿਆਦਾ ਜੁਰਮਾਨੇ ਨ ਕੀਤੇ ਜਾਣ ਅਤੇ

( viii )   ਤਖ਼ਤ ਦੀ ਵਿਰਾਸਤ ਲਈ ਪ੍ਰੋਟੈਸਟੈਂਟ ਹੋਣ ਦਾ ਉਪਬੰਧ ਕੀਤਾ ਜਾਵੇ ।

            ਸੰਯੁਕਤ ਰਾਜ ਅਮਰੀਕਾ ਦੀਆਂ ਮੂਲ ਸੰਵਿਧਾਨਕ ਸੋਧਾਂ ( 1791 ) ਨੂੰ ਵੀ ਇਸ ਹੀ ਨਾਂ ਨਾਲ ( ਬਿਲ ਆਫ਼ ਰਾਈਟਸ ) ਯਾਦ ਕੀਤਾ ਜਾਂਦਾ ਹੈ ।


ਲੇਖਕ : ਰਾਜਿੰਦਰ ਸਿੰਘ ਭਸੀਨ,
ਸਰੋਤ : ਕਾਨੂੰਨੀ ਵਿਸ਼ਾ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।, ਹੁਣ ਤੱਕ ਵੇਖਿਆ ਗਿਆ : 893, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2015-03-10, ਹਵਾਲੇ/ਟਿੱਪਣੀਆਂ: no

ਵਿਚਾਰ / ਸੁਝਾਅ



Please Login First


    © 2017 ਪੰਜਾਬੀ ਯੂਨੀਵਰਸਿਟੀ,ਪਟਿਆਲਾ.