ਕਾਂਸੀ ਯੁੱਗ ਸਰੋਤ : ਜੁਗਰਾਫ਼ੀਏ ਦਾ ਵਿਸ਼ਾ-ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

Bronze age ( ਬਰੌਨਜ਼ ਏਇਜ ) ਕਾਂਸੀ ਯੁੱਗ : ਇਕ ਮਾਨਵੀ ਵਿਕਾਸ ਦਾ ਚਰਨ ਹੈ , ਜਿਹੜਾ ਹੁਣ ਤੋਂ ਲਗਪਗ 4000-2500 ਵਰ੍ਹੇ ਪੂਰਵ ਵਿੱਚ ਸੀ । ਮਨੁੱਖ ਦੇ ਇਤਿਹਾਸ ਵਿੱਚ ਪੱਥਰ ਕਾਲ ( the palaeolithic ) ਅਤੇ ਨਵੇਂ ਪੱਥਰ ਕਾਲ ( the neolithic ) ਤੋਂ ਪਿਛੋਂ ਤੀਜੇ ਸੱਭਿਆ-ਚਾਰਿਕ ਸਮੇਂ ਨੂੰ ਕਾਂਸੀ ਕਾਲ ( Bronze Age ) ਕਿਹਾ ਜਾਂਦਾ ਹੈ । ਇਸ ਤੋਂ ਪਿਛੋਂ ਲੋਹਾ ਕਾਲ ( Iron Age ) ਆਇਆ । ਕਾਂਸੀ ਕਾਲ ਵਿੱਚ ਕਾਂਸੀ ਦੇ ਔਜ਼ਾਰ ਅਤੇ ਹਥਿਆਰ ਬਣਾਏ ਜਾਂਦੇ ਸਨ । ਫਿਰ ਹਲ ਅਤੇ ਪਹੀਏ ਵਾਲੀਆਂ ਰੱਥ-ਗੱਡੀਆਂ ਹੋਂਦ ਵਿੱਚ ਆਈਆਂ ।