ਖੋਜ ਸਰੋਤ :
ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।
ਖੋਜ [ਨਾਂਇ] ਢੂੰਡ , ਭਾਲ਼, ਤਲਾਸ਼
ਲੇਖਕ : ਡਾ. ਜੋਗਾ ਸਿੰਘ (ਸੰਪ.),
ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।, ਹੁਣ ਤੱਕ ਵੇਖਿਆ ਗਿਆ : 17962, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2014-02-24, ਹਵਾਲੇ/ਟਿੱਪਣੀਆਂ: no
ਖੋਜ ਸਰੋਤ :
ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ
ਖੋਜ (ਕ੍ਰਿ.। ਸੰਸਕ੍ਰਿਤ ਖ਼ੁਜ=ਚੁਗਨਾ। ਪੰਜਾਬੀ ਖੋਜਨਾ, ਲੱਭਣਾ) ੧. ਢੂੰਡ , ਢੂੰਡ ਕਰ। ਯਥਾ-‘ਬੰਦੇ ਖੋਜੁ ਦਿਲ ਹਰ ਰੋਜ ’।
੨. (ਸੰ.। ਪੰਜਾਬੀ) ਢੂੰਡ, ਪਤਾ। ਯਥਾ-‘ਮਿਲਿ ਸਤਸੰਗਤਿ ਖੋਜੁ ਦਸਾਈ’।
੩. (ਸੰ.। ਪੰਜਾਬੀ) ਖੁਰ , ਖੁਰਾ , ਪੈਰਾਂ ਦਾ ਨਿਸ਼ਾਨ। ਯਥਾ-‘ਸਾਗਰੁ ਤਰਿਓ ਬਾਛਰ ਖੋਜ’।
੪. ਪਿੱਛੇ। ਯਥਾ-‘ਹਮਰੈ ਖੋਜਿ ਪਰਹੁ ਮਤਿ ਕੋਈ ’ ਸਾਡੇ ਪਿਛੇ ਕੋਈ ਨਾ ਪਵੋ।
੫. ਪੈਰ , ਚਰਨ। ਯਥਾ-‘ਨਦੀ ਤਰੰਦੜੀ ਮੈਡਾ ਖੋਜੁ ਨ ਖੁੰਭੈ ’ ਸੰਸਾਰ ਰੂਪ ਨਦੀ ਤਾਰੂ ਵਿਚ ਮੇਰਾ ਬੁਧੀ ਰੂਪ ਚਰਨ ਨਹੀਂ ਲੱਗਦਾ ਤੇ ਨਦੀ ਤਾਰੂ ਹੈ, ਸੰਭਾਵਨਾ ਹੈ ਕਿ ਤੁਰ ਕੇ ਅੱਪੜ ਨਹੀਂ ਸਕੀਦਾ ਤੇ ਤਰ ਸਕੀਦਾ ਨਹੀਂ, ਨਦੀ ਤਾਰੂ (ਬਹੁਤ ਪਾਣੀ ਵਾਲੀ) ਹੈ ਤੇਰੀ ਮੁਹੱਬਤ ਦਾ ਤੁਲਹਾ ਬੇੜੀ ਹੈ, ਪਾਰ ਕਰਨ ਵਾਲਾ।
ਲੇਖਕ : ਮੁਖ ਸੰਪਾਦਕ ਡਾ. ਹਰਭਜਨ ਸਿੰਘ ਸੰ. ਕੁਲਵਿੰਦਰ ਸਿੰਘ ਅਤੇ ਮੁਹੱਬਤ ਸਿੰਘ,
ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ, ਹੁਣ ਤੱਕ ਵੇਖਿਆ ਗਿਆ : 17876, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2015-03-13, ਹਵਾਲੇ/ਟਿੱਪਣੀਆਂ: no
ਖੋਜ ਸਰੋਤ :
ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)
ਖੋਜ, (ਪ੍ਰਾਕ੍ਰਿਤ : खोज्ज=ਮਾਰਗ-ਚਿੰਨ੍ਹ ਟਾਕਰੀ \ ਅਸਾਮੀ : ਖੋਜ=ਪਦਚਿੰਨ੍ਹ; ਸਿੰਧੀ: ਖੋਜ; ਗੁਜਰਾਤੀ : ਖੋਜ; ਹਿੰਦੀ : खोज) \ ਇਸਤਰੀ ਲਿੰਗ : ੧. ਪੈੜ, ਪਗ ਚਿੰਨ੍ਹ, ਪੈਰਾਂ ਦੇ ਨਿਸ਼ਾਨ, ਖੁਰਾ, ਨਿਸ਼ਾਨ, ਚਿੰਨ੍ਹ; ੨. ਢੂੰਡ-ਭਾਲ, ਤਲਾਸ਼; ੩. ਸੋਧ, ਰਿਸਰਚ; ੪. ਪੈਰ, ਚਰਨ : ‘ਨਦੀ ਤਰੰਦੜੀ ਮੈਡਾ ਖੋਜ ਨਾ ਖੁੰਭੈ’ (ਵਾਰ ਗੂਜਰੀ ਮਹਲਾ ੫); ੫. ਮਾਰਗ, ਰਸਤਾ : ‘ਖੋਜ ਰੋਜ ਕੇ ਹੇਤ, ਲਗ ਦਯੋ ਮਿਸ੍ਰ ਜੂ ਰੋਇ’
(ਸ੍ਰੀ ਦਸਮ ਗ੍ਰੰਥ ਸਾਹਿਬ)
–ਖੋਜ ਸੰਸਥਾ, ਇਸਤਰੀ ਲਿੰਗ : ਉਹ ਜਗ੍ਹਾ ਜਿੱਥੇ ਕਿਸੇ ਚੀਜ਼ ਬਾਰੇ ਵਿਗਿਆਨਕ ਢੰਗ ਨਾਲ ਖੋਜ ਕੀਤੀ ਜਾਂਦੀ ਹੋਵੇ (Research Institute)
–ਖੋਜ ਹੱਥ ਆਉਣਾ, ਮੁਹਾਵਰਾ : ਖੋਜ ਲੱਗਣਾ, ਪਤਾ ਲੱਗਣਾ, ਸੂਹ ਮਿਲਣਾ
–ਖੋਜ ਕੱਢਣਾ, ਮੁਹਾਵਰਾ : ਚੋਰੀ ਕੀਤੇ ਮਾਲ ਦਾ ਪਤਾ ਲਾਉਣਾ, ਸੁਰਾਗ ਕੱਢਣਾ
–ਖੋਜਣ, ਇਸਤਰੀ ਲਿੰਗ : ਖੋਜ ਕੱਢਣ ਵਾਲੀ, ਪਤਾ ਲਾਉਣ ਵਾਲੀ, ਤਲਾਸ਼ ਕਰਨ ਵਾਲੀ ਤੀਵੀਂ
–ਖੋਜ ਨਾ ਪਾਉਣਾ, ਕਿਰਿਆ ਸਮਾਸੀ : ਖੋਜ ਨਾ ਲੱਗਣਾ
–ਖੋਜ (ਖੁਰਾ) ਨਾ ਲੱਭਣਾ, ਮੁਹਾਵਰਾ : ਉੱਕਾ ਨਬੂਦ ਹੋ ਜਾਣਾ, ਮਲੀਆ ਮੇਟ ਹੋ ਜਾਣਾ, ਖੁਰਾ ਖੋਜ ਨਾ ਲੱਗਣਾ
–ਖੋਜ ਪਿੜ, ਪੁਲਿੰਗ : ਖੋਜ ਦਾ ਖੇਤਰ : ‘ਤੇ ਆਪਣੇ ਖੋਜ ਪਿੜ ਵਿੱਚ ਆਉਂਦੇ ਦੇਸਾਂ ਤੇ ਕੰਮਾਂ ਦੇ ਪ੍ਰਾਚੀਨ ਤੇ ਨਵੀਨ ਸਭਿਆਚਾਰਾਂ ਬਾਰੇ ਬਹੁਮੁੱਲੀ ਵਾਕਫ਼ੀ ਦੇਂਦਾ ਹੈ’ (ਅਕਾਲੀ ੨੮ ਜੁਲਾਈ ੫੭)
–ਖੋਜ (ਖੁਰਾ) ਪੁੱਟਣਾ, ਮੁਹਾਵਰਾ : ਨਾਂ ਨਿਸ਼ਾਨ ਮਿਟਾਉਣਾ, ਬਰਬਾਦ ਕਰਨਾ, ਖੁਰਾ ਖੋਜ ਮਿਟਾਉਣਾ
–ਖੋਜ ਪੈਣਾ, ਮੁਹਾਵਰਾ : ਖੋਜ ਕੱਢਣਾ
–(ਖੁਰ) ਖੋਜ ਮਿਟਣਾ, ਮੁਹਾਵਰਾ : ਖੁਰਾ ਖੋਜ ਜਾਂਦਾ ਰਹਿਣਾ, ਨਾਸ਼ ਹੋਣਾ
–ਖੋਜ ਮਿਟਾਉਣਾ, ਮੁਹਾਵਰਾ : ਬਰਬਾਦ ਕਰਨਾ, ਨਾਸ਼ ਕਰਨਾ, ਖੁਰਾ ਖੋਜ ਨਾ ਛੱਡਣਾ
–ਖੋਜ ਮਿਲਣਾ, ਕਿਰਿਆ ਸਮਾਸੀ : ਖੋਜ ਲੱਗਣਾ, ਪਤਾ ਸੁਰ ਮਿਲਣਾ, ਗੁੰਮੀ ਚੀਜ਼ ਦਾ ਪਤਾ ਲੱਗ ਜਾਣਾ, ਥਹੁ ਪਤਾ ਲੱਗਣਾ, ਸੁਰਾਗ ਲੱਭਣਾ
–ਖੋਜ ਮੇਟਣਾ, ਮੁਹਾਵਰਾ : ਖੋਜ ਮਿਟਾਉਣਾ
–ਖੋਜ ਲਭਣਾ, ਕਿਰਿਆ ਸਮਾਸੀ : ਨਿਸ਼ਾਨ ਢੂੰਡਣਾ, ਪਤਾ ਲਾਉਣਾ, ਢੂੰਡਣਾ
–ਖੋਜ ਲਾਉਣਾ, ਮੁਹਾਵਰਾ : ਸੁਰਾਗ ਕੱਢਣਾ, ਤਫ਼ਤੀਸ਼ ਕਰਨਾ, ਪੈੜ ਕੱਢਣਾ
–ਖੋਜ ਵਿੱਚ ਰਹਿਣਾ, ਕਿਰਿਆ ਸਮਾਸੀ : ਢੂੰਡ ਵਿੱਚ ਰਹਿਣਾ, ਤਲਾਸ਼ ਵਿੱਚ ਰਹਿਣਾ
–ਖੋਜ ਲੈਣਾ, ਮੁਹਾਵਰਾ : ਪਿੱਛਾ ਕਰਨਾ, ਖੋਜ ਕੱਢਣਾ
–ਖੁਰ (ਖੁਰਾ) ਖੋਜ ਮਿਟਾਉਣਾ, ਮੁਹਾਵਰਾ : ਨਾਸ਼ ਕਰਨਾ, ਖੋਜ ਮਿਟਾਉਣਾ
ਲੇਖਕ : ਭਾਸ਼ਾ ਵਿਭਾਗ, ਪੰਜਾਬ,
ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ), ਹੁਣ ਤੱਕ ਵੇਖਿਆ ਗਿਆ : 128, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2022-11-10-04-15-18, ਹਵਾਲੇ/ਟਿੱਪਣੀਆਂ:
ਵਿਚਾਰ / ਸੁਝਾਅ
Please Login First
