ਮੰਡਪ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਮੰਡਪ (ਨਾਂ,ਪੁ) ਵਿਆਹ ਆਦਿ ਸਮੇਂ ਬਣਾਇਆ ਸਜਾਵਟੀ ਚੌਂਤਰਾ

ਮੰਡਪ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਮੰਡਪ [ਨਾਂਪੁ] ਯੱਗਵੇਦੀ ਜੋ ਵਿਆਹ ਦੇ ਸਮੇਂ ਸਜਾਈ ਜਾਂਦੀ ਹੈ; ਮਹਿਲ , ਅਟਾਰੀ

ਮੰਡਪ ਸਰੋਤ : ਰਾਜਨੀਤੀ ਵਿਗਿਆਨ, ਵਿਸ਼ਾਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

Canopy ਮੰਡਪ: ਇੰਡੀਆ ਗੇਟ ਦੇ ਬਿਲਕੁਲ ਪਿੱਛੇ ਬਲੂਆ ਪੱਥਰ ਦਾ ਬਣਿਆ ਇਕ ਖ਼ਾਲੀ ਮੰਡਪ ਹੈ। ਇਹ ਵੀ ਲੁਟਬਨੇਜ਼ ਦੁਆਰਾ ਡੀਜ਼ਾਈਨ ਕੀਤਾ ਗਿਆ ਸੀ ਅਤੇ ਇਸ ਦੀ ਪ੍ਰੇਰਣਾ ਮਹਾਬਲੀਪੁਰਸ ਪਵੈਲਿਅਨ ਤੋਂ ਪ੍ਰਾਪਤ ਹੋਈ ਸੀ। ਇਸ ਥਾਂ ਤੇ 1947 ਵਿਚ ਭਾਰਤ ਨੂੰ ਆਜ਼ਾਦੀ ਮਿਲਣ ਤਕ ਬਾਦਸ਼ਾਹ ਜਾਰਜ V ਦੀ ਪ੍ਰਤਿਮਾ ਸੀ ਜੋ ਹੁਣ ਕਾਰੋਨੇਸ਼ਨ ਪਾਰਕ, ਦਿੱਲੀ ਵਿਚ ਹੈ। ਇਸ ਪਿਛੋਂ ਕਈ ਤਰ੍ਹਾਂ ਦੀਆਂ ਯੋਜਨਾਵਾਂ ਬਣੀਆਂ ਅਤੇ ਮੰਗਾਂ ਵੀ ਹੋਈਆਂ ਕਿ ਇਥੇ ਮਹਾਤਮਾ ਗਾਂਧੀ ਦੀ ਬੈਠੇ ਹੋਏ ਦੀ ਜਾਂ ਖੜ੍ਹੇ ਹੋਏ ਦੀ ਪ੍ਰਤਿਮਾ ਲਗਾਈ ਜਾਵੇ। ਇਨ੍ਹਾਂ ਤੇ ਵਿਚਾਰ ਵਟਾਂਦਰਾ ਵੀ ਹੋਇਆ, ਪਰੰਤੂ ਅਜੇ ਤਕ ਕੋਈ ਸਹਿਮਤੀ ਨਹੀਂ ਬਣ ਸਕੀ।

ਮੰਡਪ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਮੰਡਪ (ਸੰ.। ਸੰਸਕ੍ਰਿਤ ਮਣਡੑਪ)। ੧. ਉਹ ਮੰਦਰ ਜੋ ਕਿਸੇ ਖੁਸ਼ੀ ਵਾਸਤੇ ਰਚਿਆ ਜਾਵੇ, ਚੁਤਰਫੋਂ ਖੁਲ੍ਹਾ ਹੋਵੇ, ਫੁੱਲਾਂ ਤੇ ਪੱਤਿਆਂ ਨਾਲ ਸਜਾਇਆ ਜਾਵੇ। ਯਥਾ-‘ਕੂੜੁ ਮੰਡਪ ਕੂੜੁ ਮਾੜੀ ਕੂੜੁ ਬੈਸਣਹਾਰੁ’।

੨. ਮਹੱਲ , ਮੰਦਰ। ਯਥਾ-‘ਗਹਰੀ ਕਰਿ ਕੈ ਨੀਵ ਖੁਦਾਈ ਊਪਰਿ ਮੰਡਪ ਛਾਏ’।