ਜਿਤ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਜਿਤ. ਸੰ. जित्. ਵਿ—ਜਿੱਤਣ ਵਾਲਾ. ਇਹ ਸ਼ਬਦ ਸਮਾਸ ਦੇ ਅੰਤ ਹੁੰਦਾ ਹੈ—ਜਿਵੇਂ—ਇੰਦ੍ਰਜਿਤ, ਸ਼ਤ੍ਰੁਜਿਤ ਆਦਿ। ੨ ਸੰ. जित. ਜਿੱਤਿਆ ਹੋਇਆ। ੩ ਸੰਗ੍ਯਾ—ਜੀਤ. ਜਿੱਤ. ਫ਼ਤੇ। ੪ ਕ੍ਰਿ. ਵਿ—ਯਤ੍ਰ. ਜਿਧਰ. ਜਿਸ ਪਾਸੇ। ੫ ਦੇਖੋ, ਜਿਤੁ.

ਜਿਤ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਜਿਤ (ਅ.। ਸੰਸਕ੍ਰਿਤ ਯਤ੍ਰ। ਪੁ. ਪੰਜਾਬੀ ਜਿਤ=ਜਿਧਰ) ੧. ਜਿਧਰ। ਯਥਾ-‘ਜਿਤੁ ਹਉ ਲਾਈ’। ਤਥਾ ‘ਜਿਤ ਹਮ ਲਾਏ’।

੨. ਜਿਸ। ਯਥਾ-‘ਜਿਤੁ ਦਿਹਾੜੇ ਧਨ ਵਰੀ ’। ਜਿਸ ਦਿਨ ਜੀਵ ਰੂਪ (ਧਨ) ਇਸਤ੍ਰੀ ਨੇ ਸਰੀਰ ਵਿਚ (ਵਰੀ) ਪ੍ਰਵੇਸ਼ ਕੀਤਾ।

੩. ਜਿਸ ਕਰਕੇ। ਯਥਾ-‘ਜਿਤੁ ਭੇਟੇ ਸਾਧੂ ਕੇ ਚਰਨ’। ਯਥਾ-‘ਬਧਾ ਛੁਟਹਿ ਜਿਤੁ’।