ਧਾਰਾ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਧਾਰਾ (ਨਾਂ,ਇ) ਜਲ ਆਦਿ ਦਾ ਵਹਾਓ

ਧਾਰਾ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਧਾਰਾ [ਨਾਂਇ] ਅਨੁਛੇਦ, ਦਫ਼ਾ, ਭਾਗ; ਵਹਾਅ, ਪ੍ਰਵਾਹ, ਵਹਿਣ, ਲਹਿਰ

ਧਾਰਾ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਧਾਰਾ. ਸੰ. ਸੰਗ੍ਯਾ—ਜਲ ਆਦਿ ਦ੍ਰਵ ਪਦਾਰਥ ਦਾ ਵਹਾਉ, ਅਥਵਾ ਤਤੀਹਰੀ. “ਚਲੀ ਵਿਲੋਚਨ ਤੇ ਜਲਧਾਰਾ.” (ਗੁਪ੍ਰਸੂ) ੨ ਸ਼ਸਤ੍ਰ ਦਾ ਤੇਜ਼ ਸਿਰਾ. ਧਾਰ. ਬਾਢ। ੩ ਫ਼ੌਜ ਦੀ ਪੰਕ੍ਤਿ. ਸਫ। ੪ ਸੰਤਾਨ. ਔਲਾਦ । ੫ ਲਕੀਰ. ਰੇਖਾ । ੬ ਪਹਾੜ ਦੀ ਸ਼੍ਰੇਣੀ (ਕਤਾਰ). Mountain Range. ੭ ਸਮੁਦਾਯ. ਗਰੋਹ। ੮ ਪ੍ਰਕਰਣ ਅਥਵਾ ਦਫ਼ਹ. “ਆਵਣੁ ਜਾਣੁ ਨਹੀ ਜਮਧਾਰਾ.” (ਮਾਰੂ ਸੋਲਹੇ ਮ: ੧) ਯਮਰਾਜ ਦੇ ਕਾਨੂੰਨ ਦੀ ਦਫਹ ਅਨੁਸਾਰ ਆਵਣ ਜਾਣੁ ਨਹੀਂ। ੯ ਮਾਲਵਾ (ਮਧ੍ਯ ਭਾਰਤ) ਦੀ ਇੱਕ ਨਗਰੀ, ਜੋ ਭੋਜ ਦੇ ਸਮੇਂ ਪ੍ਰਸਿੱਧ ਸੀ. ਇਹ ਚੇਦਿ ਦੇ ਪੱਛਮ ਪ੍ਰਮਾਰ ਵੰਸ਼ ਦੀ ਰਾਜਧਾਨੀ ਰਹੀ ਹੈ. ਇੱਥੇ ਸੰਮਤ ੧੦੩੨ ਵਿੱਚ ਮੁੰਜ ਰਾਜ ਕਰਦਾ ਸੀ, ਅਤੇ ਉਸ ਦਾ ਭਤੀਜਾ ਭੋਜ ਸੰਮਤ ੧੦੬੮ ਵਿੱਚ ਇਸ ਦਾ ਸ੍ਵਾਮੀ ਸੀ. ਦਸਮਗ੍ਰੰਥ ਵਿੱਚ ਇੱਥੇ ਭਰਥਰੀ (ਭਰਤ੍ਰਿ੗ਹਰੀ) ਦਾ ਰਾਜ ਕਰਨਾ ਭੀ ਲਿਖਿਆ ਹੈ—“ਧਾਰਾ ਨਗਰੀ ਕੋ ਰਹੈ ਭਰਥਰਿ ਰਾਵ ਸੁਜਾਨ.” (ਚਰਿਤ੍ਰ ੨੦੯) ੧੦ ਦੇਖੋ, ਧਾੜਾ. “ਏਕ ਦਿਵਸ ਧਾਰਾ ਕੋ ਗਯੋ.” (ਚਰਿਤ੍ਰ ੬੫) ੧੧ ਧਾਰਨ ਕੀਤਾ. ਦੇਖੋ, ਧਾਰਣ. “ਏਹੁ ਆਕਾਰੁ ਤੇਰਾ ਹੈ ਧਾਰਾ.” (ਭੈਰ ਮ: ੩)

ਧਾਰਾ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਧਾਰਾ (ਸੰ.। ਸੰਸਕ੍ਰਿਤ) ਪਾਣੀ ਦੀ ਧਾਰ। ਲਗਾਤਾਰ ਡਿਗਣਾ ਯਾ ਵਹਿਣਾ ਪਾਣੀ ਆਦਿ ਦ੍ਰਵ ਪਦਾਰਥਾਂ ਦਾ। ਯਥਾ-‘ਝਿਮਿ ਝਿਮਿ ਵਰਸੈ ਅੰਮ੍ਰਿਤ ਧਾਰਾ’। ੨. ਧਾਰਨ ਕੀਤਾ।